星8卦丨「少爷」发明星梦沉迷赌博 债务缠身唔要面自救

「少爷」做乜搞到咁落魄？大家都一直以为佢好掂，其实掂嗰个家庭系阿叔，同佢老窦冇关。呢个世界大话讲多几次就以为系真话，「少爷」亦好叻制造呢种假象，对住帮到自己建立形象嘅人又好疏爽，派嘅初时亦系老窦嘅钱，但耐咗就梗系唔得。

相关阅读：星8卦丨「富豪」呃钱呃极有人落搭 申请破产连累老友正人渣

最惨系一日到黑都发明星梦，仲为咗人哋讲句唔靓仔，个样越执越夸张，搞到不知所谓，而且冇做艺人天份真系唔好勉强呀，老窦最后闩水喉叫佢清醒啲。问题系入咗行之后识埋啲有不良嗜好嘅人，结果系成日跟埋班人去赌钱，人哋以为你有钱，夹埋啲不良分子当你系水鱼。

相关阅读：星8卦丨「太太」得「富豪」照顾为面子嫁「明星」 做兼职养家财来自有方

不过后嚟都唔使设局，好似撞鬼咁自己得闲就过大海，完全著晒魔，借埋借埋条数真系还几世都搞唔掂，老窦豆话之你死，咪叫我拎埋啲老本出嚟，因为系无底深潭。「少爷」见势头唔对，用正常方式借嘅加埋其他途径真系搞唔掂，决定唔再死撑，冇面就冇面，何况佢谂住唔系香港住，咁就唔使见人，拎住已经收埋嘅老本去个草根地方，一样可以逍遥快活咁过埋下半世。

相关阅读：星8卦丨「歌女」追「阿叔」谂住有钱搵 两面不是人遇渣男撇清不伦恋