星8卦丨「波神」见高拜两副面孔冇本心 被爆恋情唔认怕得罪真金主

呢个世界，边度有乜嘢男神女神吖，个个都系普通人，杂气满身。好似「波神」过江搵食，凭住身材出位就梗系啦，但点都估唔到靠一把嗲声嗲气嘅口音更加男女都杀。

相关阅读：星8卦丨「硬朗」翻身作成功知名度大增 自抬身价同「前辈」平起平坐被飞有道理

其实佢喺家乡个朵出晒名臭，扮嘢兼冇知识但以为自己与众不同。初初絮到就梗系扮晒嘢，要集纯情同妖媚于一身，对制作人同广告商叫做有新鲜感。好似见到「男主角」就系一副崇拜同尊重，转个头对住啲工作人员黑面又呼呼喝喝，见高拜见低踩大家喺后面藐爆。

相关阅读：星8卦丨「辣椒」争输大场 赖「经理」办事不力唔出粮

当然异性动物唔知咁多嘢，「波神」脚下自然有一大堆兵，任使任用，最近同「鲜鲜」嘅一段感情， 男嘅玩认真，一早就同公司同经理人坦白要公开。点知调转头条女一直阻止，人哋偶像都唔惊，「波神」又惊乜呢！原来咁多年都有一位大金主照顾佢一家大细，所以直到影到至唔可以唔认。

相关阅读：星8卦丨「反骨」畀「阿哥」洗脑自抬身价 经济低迷冇人要两头唔到岸

今次佢得罪制作方好多人都心凉，话佢只不过睇唔起对方至玩失踪，如果有势力有财力佢就仆住去攀缘啦！大家仲闹佢冇本心，唔识饮水思源，初嚟埗到好多帮过佢嘅人都联络唔上佢，因为佢怕烦喎，改咗电话都冇人知，就算搵到都已读不回，人品真系衰到估佢唔到！