专栏 Will知足球｜锋芒不再 尼马重回旧地
2025-02-02 07:00
有始有终绝对系唔少球员老咗时退休前嘅生活，而今个冬天就有尼马重返山度士，佢亦都喊住回归呢个英雄地。
尼马好后生嘅时候已经出道，巴西下一个领军嘅大人物，森巴舞者嘅传承，头几季拍住美斯同哨牙苏组成MSN嘅组合真系叱吒风云，横扫成个足坛，当时仍然有唔少人觉得尼马都系唔够能力领军，只系抱大腿。
惟有喺世界杯证明自己，偏偏就系被对手疯狂针对，杀伤战术，令到佢一伤再伤，2014年对哥伦比亚受伤，4强出局，2018年伤住踼，4强不敌比利时，2022年射12码输畀克罗地亚，8强出局。球会方面，即使佢以天价转到巴黎圣日耳门，但欧联一次都攞唔到，仲要带住唔同大大小小嘅伤患，去到而家估唔到佢原来系球坛最后嘅舞者。
呢刻嘅尼马唔知仲可以踢到几多场波，发现佢已经唔可以一个人孭起成队波，原来自己都会慨叹森巴味不复存在。Willhappy
關鍵字
最新回应