193被指叱咤冇奖攞黑口黑面 爆seed反击Hater 获网民赞是「Haters教育家」

ERROR成员郭嘉骏（193）性格率直敢言，曾被封为「娱乐圈清泉」，因此惹来不少Hater批评，不过面对Hater，193都毫不畏惧经常会公开还击。日前，193在叱咤颁奖礼上「捧蛋」冇奖拎，有网民就批评他：「其实193首首歌都西口西面系想点？」直指193于观众席上目无表情，而193就爆seed 反击。

郭嘉骏爱据理力争

193亲回网民︰「如果你有机会坐喺度就会明㗎啦，否则都系，关你咩事呢毒X」，同时更转发帖文谓︰「开场前先话，以后所有颁奖礼都要戴黑超先得」；不过，该网民继续追击193指：「你唱歌咁难听，连歌手席都无资格坐」193就当然不甘示弱，寸爆表示：「咦，但系我真系坐紧喺度，毒X系接受唔到现实吗？」续表示：「年年都冇奖攞㗎啦，你觉得咁样就攻击到我吗？我赚到钱买跑车买我自己锺意嘅嘢就已经开心满足㗎啦，咁你呢？系咪好叻㗎？讲嚟听吓等我开心吓。」该网民又再次寸193冇奖攞，表示：「坐系（喺）度岩（啱）晒你 ，你永远唔系企系（喺）度攞奖果个」，193 以长文回覆：「嗱，首先同你讲声我喺自己公司颁奖典礼系攞过奖嘅，你可以学吓用Google搜寻一下。第二就系呢，其实你都一样系坐喺度，只不过你坐喺屋企打字，而我就坐喺颁奖典礼歌手席度睇show咁解，所以正确啲嚟讲，我哋两个坐喺度嘅高度都完全唔同。再者，你觉得话我坐喺度系攻击到我吗？讲真，我坐咗咁多年你觉得我介意吗？你有咁多时间去憎恨一个人，不如试吓去谂吓自己点解咁废，然后努力啲好过啦，加油兄弟，我要去做嘢了，唔能够做你人生导师咁耐」。

193（郭嘉骏）@ERROR在改编自韩剧的《无用的谎言》中，饰演为妹报仇穷追不舍，行为癫狂的「高嘉豪」。

193为入戏，幻想妹妹郭嘉盈（右）是浮尸！

193性格率直敢言，曾被封为「娱乐圈清泉」。

193直言跟姜涛都算重磅之人，拍《无用的谎言》打斗戏特别攰。

193面对Hater，毫不畏惧，经常公开还击。

193据理力争。

193字字珠玑。

该网民又再反驳：「讲紧叱吒（咤）你又讲其他，自己公司个个都有奖攞啦，viu自己慢慢打X机啦。」193亦忍唔住再反击：「如果你话自己公司个个都有奖，咁你就得罪紧好多艺人啦。每年啲奖就系得咁多个，总有好多人攞唔到奖，同埋我哋系公开投票结果嘅，有咩唔识就可以Google学一下，唔系净系X噏，都要增进下自己嘅眼界见识，同埋点解净系讲紧叱咤？我每个show都系咁嘅样㗎喎，你呢？你连样都唔够胆post系咪因为好怕自己网上嘅言论会被身边嘅同事朋友笑呀？定系你现实世界根本冇朋友所以要网上攻击人去得到认同感咁惨？ 」而该网民就未有再回应。193的言论获不少人认同，更指他面对网民的心态跟姜涛是两个世界，更大赞他是「Haters教育家」，而洪卓立加入留言表示：「我唔系想博咩所以留言，但我想讲我都畀人闹过。个个专心嘅样都唔同，无表情唔代表唔专心唔尊重，我睇陈奕迅演唱会，擘大只眼啤住佢添。」