黄凯芹揭被雪3年黑暗史：鸡飞狗走愧对两老 与杜自持开作品展互数臭脾气丨独家

63岁的黄凯芹(Chris) 曾「被退休」，2002年重返乐坛后Keep住出歌及开骚，最近他接伍仲衡棒出任《中年好声音》评审，明年初他将会跟音乐人杜自持举行4场作品展。一向好有态度的Chris坚持要做些有诚意的project，做坏招牌宁愿唔做，所以当年唔肯出改编内地作品唱片惨遭雪藏3年。Chris自揭1995年人生低潮时「鸡飞狗走」血泪史：「好似生意失败咁爱卖屋，带住两老同只猫，面懵懵重返青衣旧居，连爱犬都被逼送埋俾人。」 采访：方骞平 发型：Paul Chow at I I Salon 化妆：keikei 服装：Rainbow

被指有老态的黄凯芹搞笑回应：「演唱会都35周年啦，仲以为我系BB就有问题啦。」

Chris唔后悔当年嘅执着。

Chris好有性格。

Chris唔想打烂自己嘅金漆招牌。

黄凯芹将于明年1月2-5日假西九文化区戏曲中心大剧院举行4场《黄凯芹X杜自持音乐会》，高唱杜自持为他改编的《My Baby》、《再恋》等作品。Chris形容他俩关系由盲婚哑婚到相敬如宾，再演变成终生伴侣，合作会有火花。

Chris合作得最多的音乐人，杜自持是其中之一。

黄凯芹将于明年1月2-5日假西九文化区戏曲中心大剧院举行4场《黄凯芹X杜自持音乐会》。

黄凯芹及陈奂仁接伍仲衡棒出任《中年好声音》做评审。

内地巡演后怪责导演

Chris忆述两人36年的缘份：「新人时代监制由宝丽金操刀，杜自持为我写咗首《世纪终曲》，坦白讲当时唔觉得有咩惊喜，因为佢唔太了解我风格，贸然写歌系有啲难，我觉得首歌较啱陈百强唱，直到第3唱片《短篇小说》，大家开始有啲认识及有要求；2002年开始仲做埋我个唱音乐总监，由磨合变熟习对方长处。」

当年Chris是青春偶像DJ，继而出碟。

当年余剑明系黄凯芹拍档。

今年6月Chris做佛山巡演获多年老友周慧敏力撑。

62岁黄凯芹被指面容松弛兼皱纹满面，老态尽现。

2006年《星岛头条》影到Chris带住两名混血男童现身愉景湾。

他更大爆杜自持以前好有艺术家脾气：「佢要求好高，见证过佢彩排时发火，就算对住资深音乐人都好严厉，搞到我都有啲惊…」Chris曾向杜自持重提旧事，杜自持却不执输「提」返Chris：「佢话我，当年对住导演讲『唔好再同我讲呢啲嘢喇！』哈！系咩？其实佢眼中同我眼中，大家都系有要求。」时至今日，杜自持向Chris表示已戒了闹人；Chris却保持态度：「好似最近内地巡演咁，我需要企定定集中精神唱好嗰段，点知个导演不停喺耳机提我要走位，完骚后我好嬲话『我知要配合灯光效果走位，但我有分数啦。』我知道自己应该做啲乜唔做啲乜。」

2002年Chris回归香港乐坛举行首个个唱。

2002年11月黄凯芹《Unforgettable演唱会》。

《All My Loving》大碟广告2003。

2003年4月张敬𥮀音乐会，Chris任嘉宾。

2003年10月容祖儿个人演唱会上和黄凯芹大跳辣身舞，揽实祖儿大髀。

黄凯芹2004年演唱会。

2005年黄凯芹、田蕊妮合演音乐剧《白蛇青蛇──蛇影初现》。

2006年12月李彩华及黄凯芹双双到大西洋城演出。

2013年展开一连两场《黄凯芹再遇伊利沙伯演唱会2013》。

2014年黄凯芹到新城宣传Hi Fi大碟《Kings Cross天王时期》。

2015年11月黄凯芹联同二胡王子王憓，于香港大会堂音乐厅举行《此时情音乐会FEELINGS ENSEMBLES》音乐会。

2018年11月黄凯芹唱片《十里春风》封套由他亲自设计。

2021年7月一连三场《听。黄凯芹2021》演唱会在戏曲中心大剧院开锣。

2021年11月参与《宝丽金50周年演唱会》。

2022年9月黄凯芹假红馆举行《细听‧黄凯芹35周年》演唱会。

2023年3月担任好友吕方演唱会嘉宾。

人生经历添作曲灵感

长居加拿大的Chris返港开骚，原则是要省靓招牌：「𠵱家我系退休歌手，偶然出现一次都做得唔好会好碍眼，开骚要有Point及独特，畀到观众新鲜感及火花，只系为钱而做就唔会有下次。」而他的坚持多年不变：「当年由宝丽金转投飞图，因为《晚秋》爆红，经理人想我出一张碟，全部改编内地嘅作品，但我系创作歌手，怕会有反效果，因而同公司抗衡被雪长达3年，期间冇任何演出，甚至冇版税、写歌及唱片收入。」Chris形容当时好落魄：「3年时间太长，换言之即系玩完，好似生意失败咁，由事业高峰期到打回原形，最惨零收入仲要养家，自己经已系有头有面公众人物好难转行，唯有卖走供紧嗰层康乐园，送返父母返青衣旧居住！冇咗前后花园，连沙皮狗都要送埋畀朋友，只能留住只猫，唉！真系鸡飞狗走呀！」当时留在香港的Chris冇工作又出唔到街，搬返旧屋街坊邻里又有闲话，虽然曾透过刘美君搵律师争取过，他记得当年每次上去见律师也要花几千，笑言也不知是否要多谢刘美君，但用了一大笔，没钱烧银纸，最后认输意兴阑珊颓走加拿大，离开伤心地：「好记得有次冬天接父母过嚟生活，但佢哋唔适应背脊生冻疮要走。」事隔多年，Chris对已故双亲依然心存愧疚：「最大感触系人生转折嗰几年，我唔止令佢哋担心，更影响到佢哋嘅生活质素，尽管7年后有机会回归香港乐坛开骚，可惜爸爸已离世，只得妈妈睇到，所以每次唱《我的爸爸》都有好大感触。」不过，Chris表示不后悔：「呢啲系天意，如果当年平平无奇接受咗个project又未必系好事，走咗一转，后期嘅创作加添咗人生经历。」

Chris因为《晚秋》爆红。

在加拿大的生活日常。

周围去食好西。

黄凯芹居住在加拿大。

Chris长居加拿大3000尺深山大屋。

闲时最爱煮食。

深山家居亦曾出现6尺高的黑熊。

又有4只浣熊。

仲有小鹿斑比。

屋内竟有雀巢。

妈妈见证不到Chris重返乐坛后的发展。

当时「生意失败」Chris，只能带埋小猫重返旧居。

当年好似生意失败咁颓丧。

1990年当红的Chris是剧集《恋爱快拍》男一。

黄凯芹、周慧敏在内地有好多fans。