甄济如自知演戏唔叻想挑战做MV导演 搭飞机成创作歌曲最佳环境丨独家

甄济如（Jasmine）最近推出首支广东歌《次次》，更邀得刚夺金马影后的锺说（锺雪莹）填词。讲到平时创作习惯，原来Jasmine觉得搭飞机是最有效创作歌曲的环境。而谈到《次次》MV中首次挑战谈情戏，Jasmine大呼跟唱广东话一样难应付，更自问不是演戏材料，但对做幕后却很有兴趣，还想有机会挑战做MV导演。采访：杜杜 摄影：林宾尼 形象：Cherry Mui&Bullet Films Team发型：Kayan Lo 化妆：嘉玹.小白

Jasmine自问不是演戏材料，但对幕后工作却很有兴趣。

为了首支广东歌《次次》录音，Jasmine花了很多时间做准备。

Jasmine以英文歌出道，因平时都会先以英文创作歌曲，「7岁写第1首歌都系英文，我有灵感英文系比较快。」她坦言一直没信心唱广东歌，苦练多时今次终于够胆挑战，「我想出首广东歌，因为我喺香港长大，出道时未有信心去唱广东歌，大家都知我广东话唔系最好，今次决定要做得好。」她直言为《次次》录音确实很困难，比录其他歌更花时间，「真系练咗好耐，广东话唱法同英文唱法好唔同，好多唔同嘅音、咬字，呢首歌比较轻快，我录音时觉得好似Rap咁，哈哈！」

Jasmine瞓觉前，突然有《次次》的歌曲灵感。

瞓觉前灵感涌现
对于《次次》搵来金马影后填词，Jasmine谓一直有留意锺说的作品，认为她好适合写这首歌，「锺说填嘅歌词系好young同好fresh，呢首歌都系比较young girl嘅style。」《次次》题材讲少女情怀、情窦初开，Jasmine强调绝非亲身经历，「我好多歌都锺意创作个故事，好似《idk》、《TBH》都系我创作嘅故事，除咗《Forever 19》系我真心写出嚟。」她创作《次次》时，原来是准备瞓觉前，「记得系上年暑假瞓觉前，谂到一句『Before I sleep，I write song about you』，自己谂点样可以更加romantic，就谂到电话里面有个emoji，系打鼻鼾有个ZZZ，就谂咗『Before I ZZZ，I write song about you』，再搵锺说帮我写广东嘅version就叫《次次》。」

《次次》MV搵来林恺铃胞弟林卓毅任男主角，跟Jasmine做对手。

搭飞机不受干扰
谈到平日创作歌曲习惯，原来有个环境会令Jasmine有最高效率，「我喺机场或者喺飞机上面写歌最好，因为冇wifi，可以好专心去谂个ideas。」乘搭飞机不受干扰下创作的作品，上年专辑中都有收录，「《what the !》都系喺飞机写，嗰时我18岁。」她通常用钢琴协助作曲，但亦有例外，「今次《次次》就唔系，真系瞓觉之前哼出嚟，用电话录起。」由于她7岁已开始作曲，已储落大批作品，当中有部分写了一半就放埋一边，之后才继续写，「《次次》就系咁，我系写咗1年，慢慢才写完。」不过最经典要算《Forever 19》，「我18岁就嚟19岁时唔想再大个，同朋友讲一定要写首歌叫《Forever 19》，等咗1年都唔知点写，谂咗好耐写好teenage感觉定系真心嘅谂法呢？到就快20岁先写完首歌，所以我生日一定要推出呢首歌，哈哈！」

想不到Jasmine搭飞机时，竟然是最高创作力。

对创作好有兴趣的Jasmine，将来有兴趣为MV执导。

怕丑难做好演员
Jasmine在《次次》的MV首次挑战谈情戏，她直言觉得比起狂跳舞的MV困难得多，「好多人会问我将来想唔想做演员？我拍完呢个MV更加知我唔系好适合做演员，我比较怕丑，同埋我觉得呢啲爱情故事唔系咁自然，跳舞我系叻啲罗！可能演笑片或者舞台剧好啲，哈哈！」幸好MV搵来林恺铃胞弟林卓毅（Addison）任男主角，「我同男主角有好多共同嘅朋友，我同佢家姐好friend，佢都系第1次演，我同佢都好green，我觉得都系好事，都好适合呢首歌。」Jasmine未有信心演戏，但早前趁父亲节跟胞弟甄济嘉（James）联手重新创作，以搞笑手法重现爸爸甄子丹与吴京在《杀破狼》中被誉为「最精彩武打片段」，相当有做幕后天分，她都承认有意执导自己的MV，「我都想试吓，我好锺意创作，希望可以试吓唔同嘅创作作品。」

Jasmine趁父亲节跟胞弟甄济嘉联以搞笑手法重现甄子丹与吴京在《杀破狼》中的演出。