跑步｜林颖璋出战福冈国际马拉松 2小时15分31秒完成刷新香港纪录

香港跑手林颖璋 (Vincent)于星期日(12月1日)出战日本福冈国际马拉松，以2小时15分31秒完成，排名16，同时刷新香港纪录。旧纪录由黄尹隽创造，他在在2023年9月在柏林马拉松以2小时16分22秒完成。今次福冈国际马拉松，黄尹隽以2小时23分59秒完成，排41位。冠军是日本跑手吉田祐也，他以2小时05分16秒赢得赛事。

林颖璋刷新香港全马纪录。 公关图片

林颖璋刷新香港全马纪录。 公关图片

林颖璋刷新香港全马纪录。 公关图片

 

 

 

 

 

 

27岁的林颖璋今次刷新香港纪录，他表示好开心可以来到日本福冈，同亚洲区最高水平选手一同竞技：「今次能够破到香港纪录做到呢个时间，对我嘅意义好大，虽然做唔到我预期比较高嘅目标，我都畀我自己今次嘅成绩 120 分。」

为了今次比赛，林颖璋准备大半年，好专心为这场赛事做足准备：「过程系几辛苦，尤其我一路以来都系一个人练，无一个实体教练或者队友，所以今日做到呢个成绩我都好满意。去到十公里，甩咗同自己一齐跑嘅集团，无人同我一齐跑，都有啲孤独感，但系我决定就算一个人跑都要继续向前，先至有今日呢个成绩。」
 
林颖璋表示，对于准备马拉松的选手嚟讲，香港训练环境未必非常理想，尤其系夏天天气方面，但系他都可以做到今次成绩，想借此鼓励其他香港运动员都可以做到。 

「好感谢我嘅品牌赞助同经理人 nick，可以令我无后顾之忧咁专心训练，仲有屋企人，一路以来我决定做全职运动员，虽然唔会搵到好多钱，但系都好义无反顾咁支持我，可以畀我专心去做我自己做得最好嘅嘢，做到极致。仲有就系我嘅教练  Rory ，虽然只系遥距教练，但系佢总能够就住香港嘅环境训练，畀最好嘅 program 我，可以发挥到我最大嘅 potential，我好期待以后可以同 Rory 一齐 Achieve 到更多。 Rory, You are the Real Man!」

完成赛事之后，林颖璋表示最想食烧肉，好好休息。之后，最大目标系下年亚洲马拉松锦标赛，希望可以再次入选代表香港队参赛：「我希望可以跑入 2小时10分的世界，系一个好重要的里程碑，因为代表香港运动员可以真正同亚洲其他国家或地区如日本、中国、台湾睇齐。」 

另外，多名港将也前往日本参加日本体育大学第318回长距离竞技会。陈伟聪出战男子5000米第27组，跑出14分35秒37，刷新本来由谢俊贤保持的香港纪录（14分37秒14）。黄启乐也在5000米跑出个人最佳时间，以15分11秒99完成赛事。谢俊贤出战男子10000米赛事，以30分0.65秒排第6，刷新自己保持的30分26秒51的香港纪录。