TVB男神诡异临终经历！挚亲离世前出现共同徵兆 罕谈任职警察曾处理尸体难忘事
2024-11-26 21:31 
由陈茂贤执导、许冠文、黄子华、卫诗雅和朱栢康主演电影《破．地狱》，自11月9日正式至今，已经冲破9000万票房，黄子华即将打破《毒舌大状》逾亿记录。自从《破．地狱》上画后，坊间多了不少对传统殡仪的话题，为生死教育上了诚恳而严肃的一课。现年56岁的马德钟，日前在自家YouTube频道，拍片分享临终前的经历。
马德钟拍片谈生死
马德钟日前在YouTube贴了一段短片，内容主要分享：「有没想过人离世后身体会发生甚么事？最近的一份报导详细介绍了死后 20 天内的变化及分享了死亡前的七个迹象。 根据我以前做警察时的个人经历，讲述接触尸体的遭遇及心理影响，我亦会分享我对于人离世前的共同徵兆。」
相关阅读：56岁不老男神甜蜜告白冧索妻 冻龄老婆黑色开衩晚装散发高贵气质
马德钟有临终经历：
马德钟想深究临终经历
在片中，马德钟一脸严肃地说：「我自己本身都有一啲咁嘅经历，因为我都接触过一啲尸体，亦经历过亲人、朋友离世，嗰阵我都发现咗一啲嘢，所以想同大家深究下。」马德钟称最近看了一篇报导，内容详细讲解人在死后20天内的变化及分享了死亡前的七个迹象：「因肌肉会松驰，除了会失禁外，五官可能会有啲液体流出嚟，而且体温慢慢仲会下降，肌肉开始硬化，血液会沉淀喺背脊而形成尸斑，再过多几日，身体会有臭味嘅出现同埋有尸虫。」
曾经做过警察的马德钟分享处理尸体经历
曾经做过警察的马德钟，任职期间少不免有这方面的经历：「有一日巡逻嗰阵收到电话，话有一间屋出现异常嘅恶臭，叫我上去调查下。嗰阵喺单位门口已经闻到好臭嘅味，消防爆完门，我入屋已经见到有一腐尸，有腐烂、尸斑同尸虫，嗰种臭味系到差馆都冇办法食到嘢，喺味蕾嘅记忆系一直都喺度，要去到第二日嘅夜晚先叫做好啲，所以睇戏会见到有啲人查案时会搽啲嘢喺个鼻度，嗰啲应该系薄荷膏，又或者入屋之前会点香。」
相关阅读：TVB视帝疑移居佛山与儿子同框被捕获！26岁仔竟被指样貌老过爸爸 曾父子齐拍剧发展平平
马德钟有个外籍准新抱？
马德钟分享做警察的难忘经历
马德钟还说：「有一次系巡逻车更，嗰阵有几个同事喺架车度，当时系好明确咁收到call，话系有尸体发现，上到山之后，我哋搵到嗰个报案人，见到有个男士嘅尸体吊咗喺度，好确实系已经离开咗。嗰阵第一时间解佢落嚟，但系只可以割断条绳而唔可以解咗个结，因为条绳仲要攞返化验。我负责抱住尸体，跟住慢慢放地落地，感觉真系好重。我哋需要帮佢采集指膜，但系佢只手已经好僵硬，嗰阵听啲师兄讲，你一定要同佢（尸体）讲唔使担心，我哋系帮你，跟住慢慢搓返软只手，搞掂好啲工作后，我被安排自己一个留喺山上睇住尸体，再等下一更嘅同事嚟接。」当时等了很久都未有人出现，马德钟说：「嗰阵已经天黑，我又冇电筒喺身，四周围只有树同埋条尸体，我觉得时间好似好漫长，呢个系好难忘嘅经历。」
马德钟父母离世前出现同一情况
后来马德钟再分享临终前经历，他说：「嗰阵我爸爸喺临终前有一段好长时间嘅陪伴，我发现喺医院，同爸爸系好正常咁沟通，而佢仲好精神，点知突间话：『钟呀，点解前面有咁多人？前面有好多小贩摊档，仲有好多蚁行落落嚟。』但系嗰阵只系有啲病床喺度，我咪同佢倾返啲正常嘢，过咗几日，我爸爸就离开咗，我只系谂嗰阵可能系药物影响。」到了马妈妈患上急病，马德钟说：「佢系心脏有血管撕裂，医生话好彩可以自己埋口就冇事，唔好彩过几日就会走，咁我咪去咗陪妈妈，点知又系有相同情况出现，倾倾下又系话前面有好多人，嗰阵我个心已经惊一惊，唔会系有问题？最终妈妈真系离开咗，到我啲好朋友临终前又系出现幻觉，究竟系咪真系临终前有呢个可能性出现？」
最新回应