江𤒹生新歌MV揸坠手仿真枪 不吝啬身材大骚腹肌 跟姜卓文合作望有live版演出　

江𤒹生AK最新单曲〈Game of Life〉是他首个个唱《ANSON KONG 「THE GAME OF LIFE」 IN MY SIGHT SOLO CONCERT 2024》的主题曲，借游戏比喻演艺旅程，在MV中，他进入了游戏世界，拿著仿真枪，型爆向重重关卡进发。
 
AK在暑假筹备演唱会时，就很想做一首以「Game of Life」做主题的歌曲，于是与监制徐浩沟通过后，便与团队一同制作了〈Game of Life〉，AK介绍歌曲内容道：「我入行后，好似入咗一个新嘅游戏世界，呢5、6年经历好多唔同嘅难关，有啲比较顺利有啲比较难，有啲可能系需要同啲同伴组队，你先可以跨过嘅一啲关口，有啲你要独自去面对，今次用咗打机嘅心情，套落首歌。」歌曲率先在演唱会登场，现在正式推出的版本略有不同，AK续道：「演唱会版本细John（姜卓文）rap嘅部分短啲，嗰阵唔够时间准备full version，亦冇邀请佢上台，今次正式版加长咗细John部分，因为难得佢嚟featuring，就俾多啲air time佢一齐玩，希望下次live版可以同佢喺台面一齐演绎呢首歌。」

半恤衫半皮褛的造型，打造出现实世界上班族与游戏世界角色的感觉。

AK说正式版加长咗细John部分，因为难得佢嚟featuring，就俾多啲air time佢一齐玩，希望下次live版可以同佢喺台面一齐演绎呢首歌。

AK话估唔到仿真枪系咁重，单手攞会摇下摇下。

AK说：「玩枪几开心，满足少少梦想。」

AK说今次算系非常浅尝咗一下war game，希望下次可以喺一个露天war game场地，多啲人一齐实弹射击。

〈Game of Life〉是一首很有画面的作品，所以MV方面也顺利成章以游戏世界呈现，AK戴上VR后，走进了游戏世界，跟细John、队友们进行连场枪战。AK表示：「MV会见到有好多枪械，好多平时好少接触得到嘅事物，例如开枪对峙，亦有一啲teammate同我一齐冲锋陷阵嘅场面，呢个concept几好玩。另外，今次算系非常浅尝咗一下war game，因为每支枪都只系入咗气，冇实弹、BB弹，只可以感受到开枪嗰一下少少重量，同埋场地所限，只能偷位扮喺一个比较大嘅空间进行，希望下次可以喺一个露天war game场地，多啲人一齐实弹射击。」说起枪械，AK也特别兴奋，他说：「玩枪几开心，满足少少梦想，未去到话真系拍枪战，但换下子弹，扮下有型，都几开心，不过开头拍第一个shot要拎支左轮入子弹，好有型对住个镜头，但估唔到仿真枪系咁重，单手攞会摇下摇下，起初花姐见到仲话我咁渣攞支枪都冇力，我就俾佢试下，佢先发现支枪原来系咁重。」

AK毫不吝啬大骚身材，AK笑这：「香港咁热咁潮湿，梗系要服装上俾自己凉快下。」

AK笑言自己穷剩得返嗰六粒嘢（腹肌）。

MV中跟姜卓文进行连场枪战。

AK说演唱会嗰阵fit啲，而家肥返少少。

新歌借游戏比喻演艺旅程。

AK说肌肉上就冇演唱会嗰阵咁劲，但都仲有三根钉喺度，有啲睇头嘅！

AK说入行后，好似入咗一个新嘅游戏世界。

呢5、6年经历好多唔同嘅难关，有啲比较顺利有啲比较难。

有啲可能系需要同啲同伴组队，先可以跨过嘅一啲关口。

造型上，AK这次三套服饰都甚有睇头，其中半恤衫半皮褛的造型，打造出现实世界上班族与游戏世界角色的感觉，AK介绍：「套衫分开两边，西装系人，红色皮褛就系打机角色，好似机械人有啲线路喺身上，眼嘅highlight就系强调返机械人角色，另外仲有指甲，之前喺演唱会整过，结果整上瘾，但今次有少少唔同，只系黐上去。」至于另外两个造型，则毫不吝啬大骚身材，AK笑这：「香港咁热咁潮湿，梗系要服装上俾自己凉快下，咁我又冇咩可以露，穷剩得返嗰六粒嘢（腹肌），咁咪喺六粒里面拣两粒好似健康啲咪露出嚟，不过演唱会嗰阵fit啲，而家肥返少少，出嚟感觉都健康嘅，肌肉上就冇演唱会嗰阵咁劲，但都仲有三根钉喺度，有啲睇头嘅！」