邓丽欣趁41岁生日报喜！宣布明年3月开处女红馆演唱会 送粉丝最好的礼物
2024-10-15 16:55 
邓丽欣（Stephy）今日（15号）快乐生辰，近日Fans Club特别为她筹办生日会，与逾百fans切蛋糕、唱生日歌、玩游戏、分享追星点滴，非常热闹。邓丽欣更率先宣布明年三月红馆举行首次个人演唱会作为「回礼」，她与fans齐齐感动落泪。
相关閲读：邓丽欣男友原来去年已曝光 走大只型男路线似足多位韩星 与Cookies姊妹早见面
邓丽欣生日会宣布明年3月红馆处女骚：
邓丽欣在台上说：「我有一份礼物送俾大家，但呢份礼物今日攞唔到住，几时攞呢？我约定你哋，明年三月⋯⋯」此时她眼泛泪光，有fans似乎猜到报以欢呼声，她掩嘴点头示意猜对了，全场掌声。冷静几秒后，她续说：「明年三月红馆见！」台下fans立即兴奋欢呼，有不少感动抹眼泪。邓丽欣说：「我嘅生日愿望真系好简单，希望大家以最开心、最健康嘅身体嚟睇我嘅演唱会，嗌大声啲！」全场尖叫。
邓丽欣感动落泪
邓丽欣接受访问笑言以为会忍得住眼泪，结果还是失守，她说：「其实咁多年无论任何嘅歌迷聚会我都会喊，今年以为自己劲咗，点知都系忍唔住。我觉得好感动，尤其是望住咁多位好熟悉嘅面孔，支持咗我咁多年，我觉得呢一个回馈对于佢哋、对于我自己都系好重要。希望大家得到呢份礼物觉得开心，希望所有fans都买到飞入场，真系好开心，约定大家红馆见。」台下有fans跟住喊，邓丽欣说：「佢哋可能都谂『终于等到呢一日啦』，见到佢哋开心和感动，对我嚟讲真系好重要，令我更加努力去做好呢个演唱会，唔好令佢哋失望。」
邓丽欣生日会宣布好消息
邓丽欣19岁出道，不少fans都支持她接近十几年，其实她在生日会fans分享环节，听到他们的追星故事和见到他们的珍藏品已经好感动，不时见她眼红红强忍眼泪。她说：「佢哋好多人都支持咗我十几年，而我好细个入行，占咗我人生超过一半时间，全部都同大家一齐渡过。呢啲经历得来不易，好值得珍惜。」有fans表示因邓丽欣而找到自己的人生目标、事业、爱情，甚至改善与家人关系。「相隔咗几年冇办生日会，再庆祝好开心，今日好多人嚟咗，有跟咗我好多年嘅歌迷，亦都有新脸孔，非常多谢大家参与。个蛋糕好靓，好有心思。咁多年来收咗好多fans嘅礼物，我送返俾佢哋嘅礼物，除咗系我嘅努力和进步，都谂唔到送乜嘢更加好，所以就趁一个咁好嘅时机同大家宣布，我相信对佢哋嚟讲系最好嘅礼物，就系我明年红馆演唱会。」
邓丽欣为粉丝准备惊喜
邓丽欣收到很多fans手造的生日礼物，特别开心。她说：「礼物不在乎价钱，最紧要系佢哋嘅心意，所以好多年之前佢哋已经开始会亲手整礼物俾我。今年Fans Club忡特别整咗一部扭卡机，所有扭卡得到嘅钱都捐去慈善机构。呢份礼物对我嚟讲系最好，见大家排晒长龙，多谢大家落力参与。」邓丽欣更放入几十张亲笔签名隐藏版给fans惊喜。
其他文章：
爱情城事丨邓丽欣预演台湾媳妇 爆男友为人细心会洗碗 曾宝仪亲身联络演员:问到就赚到
最新回应