冯素波老公爆血管离世「三七」回魂屋内充斥一味 当年失婚后恋上旧友
2024-09-28 20:01 
出身于演艺世家、粤语片女星「七公主」的大家姐冯素波（波姐）纵横娱乐圈逾半世纪，经历过不少人和事，在2021年发现大肠有肿瘤后，改变了冯素波的人生观，生活出现逆转，近年进军网络世界，掌握「流量密码」的她成为网民热捧对象。冯素波日前现身ViuTV节目《晚吹 - 总有一瓣喺左近》，谈及先夫「三七」回魂时闻到一种味道。
相关阅读：冯素波80大寿与三公主聚头High到爆 公开沈芝华传授皮光肉滑扮靓秘诀
冯素波谈及先夫「三七」回魂：
冯素波过往都试过有不少灵异经历，试过三度搬屋都遇上遇灵异事，有两次还疑似见到父母显灵，日前现身ViuTV节目《晚吹 - 总有一瓣喺左近》，分享她灵异经历，其中一个与「先夫」有关，冯素波称当年丈夫因中风入院：「嗰阵佢留医过个几月就走咗，佢中咗风之后，我喺医院见佢右手右脚好似撑船咁不停咁郁，但系左手就揸住拳头，我见啲手同脚甲都长，咁我咪帮佢剪，我打开佢只手，虽然佢有冲凉，但系佢只手啲水冇索乾，所以有医院啲药水味同一阵酸馊味，于是我每日都用棉花棒队入去抹一抹。」
冯素波分享灵异经历
可惜冯素波的丈夫最后都离世，冯素波每晚都会坐在佛坛念经：「有一晚我都唔知原来系回魂夜，嗰晚我嘅心情系特别难过，所以我咪坐喺佛坛念经，点知我望到房门个手铰，突然闻到我先生只手嗰啲酸馊味，充满整个佛坛，咁我咪望下，系喎，呢间房啲锁匙系我老公收埋，因为我哋啲锁旧咗，个『的』揿咗就会开唔到，所以几间房连埋啲门匙都系佢收，可能系佢提我要搵门匙，如果唔系倒锁咗，我去边呢？」冯素波称念完经后，走到丈夫生前用的写字枱：「我见到一个环保袋好当眼咁摆咗喺柜桶入面，除咗锁匙外，仲有护照、入籍纸，原来仲有啲现金喺度，之后我谂，可能佢预咗自己会有咁嘅一日，如果中风出嚟再学，未必识得去银行揿机，所以咪摆定啲钱喺度，佢入院前两晚都讲过『医生话要个心脏微创手术，如果医生话我可以转食佢只药而唔使做手术，你就应承医生我会食，我都玩活多一两年，我唔想开刀』。」
冯素波昔日相片：
冯素波梦见与老公有奇怪经历
冯素波当时想大家只是闲话家常：「点知佢隔一日已经入医院，再冇出过嚟。我觉得呢啲医院咪带咗我去搵返佢喺外国个仔啲身份证，咁系咪好奇呢？我第二日就问咪大哥返嚟呢？我有个皈依咗嘅弟妇话系大哥嘅『三七』。」接着冯素波再说：「我记得喺疫症期间，有一晚发梦问『我要返工坐乜嘢车』，点知有把声同我讲『你打开呢度门，行过对面就有车返工』，咁我咪打开度门，系一条河流，水流好急仲系米黄色，我又唔识游水，点行去对面嘅车站？跟住见到我先生喺我隔离，左手执住我右手，右手就揽住个四方盒，身上着住佢最锺意嘅白色衫，拉住我跳咗入河，跟住拉返我个头上水，佢就放咗我只手，顺住水流去咗对面嗰度门，之后冇再见过佢。」
冯素波曾经历两段婚姻
之后冯素波身体出现问题而入院做手术，有一个朋友探病时望住她说：「『大哥好开心喎，佢好锡你』，我初初以为系嗰阵佢中风都唔出院，即系唔想我辛苦，点知佢话呢几次嚟探我，见到大哥好开心，原来佢见到我先生喺我侧边，个朋友仲话大哥见到我身体健康就好开心。」冯素波曾经历两段婚姻，跟第一任丈夫因性格不合而分开，失婚后前往加拿大散心时，巧遇旧友人苏文雄，两人而一拍即合更结为夫妇并育有一子。婚后40年跟丈夫苏文雄恩爱依旧，直到早年丈夫因心脏病爆血管不幸离世，享年70多岁。
冯素波曾被误会是余子明太太
冯素波多年来经常被误会是同为资深演员余子明的太太，但其实余子明的太太是冯素波的妹妹冯素云，凑巧二人容貌相似而被误会，冯素波曾提到当时走出丧夫之痛：「当我知佢入院时，佢出院系冇可能，因为医生同我讲咗，所以首先系清理佢啲旧物，因为就算出到院佢已经系另一个人， 身体或状态都唔能够用返过往嘅嘢，所以趁佢在生将衣服鞋物捐咗。 唔系无情 ，但系一个人要更换一样嘢， 你要清理咗旧嘢先， 而我面对就系自己嘅将来。」摰爱离世后，冯素波活在当下，没有怨天尤人，她觉得生离死别是人生必经，要学习接受，即使当日丈夫丧礼，她亦叫亲友不用哭哭啼啼，只需默默向丈夫讲句再见。
其他文章：
冯素波忆述爸爸冯峰浪漫史！名字由来与广州街名有关 曾做童星卖唱维生：都好多隐疾
79岁冯素波每日叹咖啡食甜品「养生」？3年前发现大肠有肿瘤 胆囊塞满胆石险病变
最新回应