阿Sa百亿旧爱孖情侣Friend睇城城尾场石恒聪偶遇女友人体贴举动𠱁死人丨独家

2024-09-04 06:00

去年8月，星岛《名人杂志》独家披露蔡卓妍（阿Sa）跟富三代「百亿麻将馆太子爷」石恒聪（Anthony）结束6年情，更指男方搭上陈静(DaDa)及2022年港姐季军梁超怡，事后阿Sa大方承认跟太子爷已和平分手，不涉第三者，仲话戥旧爱惨，一直被诬蔑。上周二晚，穿上一身低调黑色的Anthony同情侣Friend去睇郭富城演唱会尾场，Encore环节全场企晒起身，太子爷周身拧期间见到坐附近的女友人，即行前拎手机主动自拍，佢仲识得借舞台作背景，醒目仔嚟。采访:廖思慧

Anthony主动拎手机影合照，相中人笑得开心，背景啲人又好开心。

影完即系Send返畀女友人

阿Sa分手后自爆同Anthony再见亦是好好朋友，对方更搵佢订Twins演唱会门票，如果男方真系衰脚踏几船，关系应该唔会系咁。分手后，阿Sa透过疯狂旅行治情伤，日前佢就上载两件头泳衣靓相，晒零肚腩身材，睇嚟失恋狂食唔太关佢事，情伤应该好返晒。

阿Sa同Anthony拍拖6年，有传聚少离多而分开。

阿Sa当年带石恒聪贺阿娇结婚

阿SA早前上载泳衣相话要留倩影

真人几靓仔
当晚演唱会尾声，城城唱住美心月饼广告歌不断喺个台来回咁行，观众企晒起身郁身郁势，发现太子爷身旁有个著住印有演唱会名外套的工作人员，然后男方拍手四围拧时见到女友人，即上前拎自己手机主动自拍，还借城城做背景，影完仲即系Send返畀女友人，自拍一条龙劲窝心。之后返埋位继续拍拍手，情侣朋友嘅男方挂住影360全景而仆亲，太子爷眼明手快即刻扶住，仲拍拍对方膊头示意小心啲。当城城仲唱住「想见便遇见，oh la la la la」，胳肋底夹住樽水嘅太子爷经工作人员Lead住离开，应该准备入后台同城城影合照，路过女友人附近，佢又识做哋大声讲Bye Bye，份人几Warm喎。