「少女睡衣党」屯门周街开价 问人攞$5做呢样嘢...... 街坊爆3大出没热点|Juicy叮
2024-08-29 06:51
当街要钱的「呃钱党」骗徒几乎把香港行了个遍,无论是独行的、双人的,还是一家大细推BB车的都臭名远播,市民已提高警觉。
走入困境的「呃钱党」近日似乎改施美人计,怀疑派出少艾成员以姊妹花姿态登场,穿上睡衣短裤变身「少女睡衣党」,同时下调讨钱银码至5大元,务求降低大家的警戒心密密手收5元,图个山大斩埋有柴。
「少女睡衣党」逐张睇 + 网民零舍精神回应↓↓↓↓
穿疑似睡衣 下身穿同款短裤
facebook群组「屯门友」早前(8月23日)代街坊发帖,上载两名女子的背影图片,指当日「16:01喺(屯门)兆康轻铁站图中两位著睡衫上衣少女周围问人拎5蚊搭巴士,佢问我,我话无,佢哋就行返入商场,睇衣著外型似住附近」。
隔著轻铁站拍摄的相片中,两名啡发女子穿上一蓝一黄疑似睡衣,下身穿同款的灰色短裤,其中一人疑穿拖鞋,另一人边行边按手机;路上周围有其他行人,轻铁站也有候车乘客。
「少女睡衣党」逐张睇 + 网民零舍精神回应↓↓↓↓
网民肆意调侃:做个朋友先
网民见到少女背影格外醒晨,调侃「居然仲有呢啲」、「筹旗夹公仔」,笑言「如果问我,起码畀5旧($500)啦!」,并心急和两人「做个朋友先」。
有人痛心无遇上——「哎呀,琴日错过咗今日去碰下运气先」;有人则直言「少女问拎5蚊,同大妈问拎5蚊可以争好远」。面对「靓唔靓先」的查问,有眼尖网民见微知著,称「对面个男人眼尾都唔望一下,应该唔系好嘢」。
「少女睡衣党」逐张睇 + 网民零舍精神回应↓↓↓↓
好心地网民:帮到就帮
心软又好心地的网民则认为「帮到就帮」、「5蚊就帮吓人啦」、「5蚊啫,可能真系有需要呢」、「其实有冇谂过人哋真系有需要?况且就算真系呃你,都系$5啫……人情冷暖」、「我宁愿被骗5港币。如果她们真的需要的话,数量是很少的,但是当需要的时候,却是非常重要的」。另有人醒目地采这方法「问佢要去边,帮佢买轻铁飞,$就唔会畀」。
有人正经地感慨「社会搞成这样」,建议「报警求助」、「应该同佢报警处理」、「报警啦!有手有脚唔去做嘢问人攞钱」、「叫佢哋去屯门警署」。有人则奇怪「呃钱都唔用下个脑,想问你5蚊可以搭乜车」。
「少女睡衣党」逐张睇 + 网民零舍精神回应↓↓↓↓
网民:每人畀5蚊都几和味
有心水清的网民看穿「呃钱党」伎俩,表示「行过路过唔好错过,见亲一个搲番一个,落一落街返到屋企期望搲到一餐半餐」、「山大斩埋有柴,一个$5,10个$50,100个唔X驶做好过去抢」、「每人5蚊,都几和味」、「根本系大食懒冇工开,凑凑埋埋$5x10就可医肚」。
还有人妻透露「一人畀$5, 好快够钱买包烟~有啲人无散纸,可能畀$10-$20~ 博下~我老公试过,佢话帮到人~系学生妹」,并醋意大发地称「试下学生哥佢畀唔畀~」,回应的人坦言「学生妹系有优势」;有人却不齿地批评「咁后生自己唔去搵钱,要问人攞几蚊咁肉酸?」。
「少女睡衣党」逐张睇 + 网民零舍精神回应↓↓↓↓
街坊爆「少女睡衣党」出没热点
虽然留言的网民都怀疑相中女子为骗徒,但却有人批评「您影佢有用咩?都无正面图,我话系男人都得啦!」,并质疑「有啲人很无聊喜欢看图作文,胡乱写都得」。
不过,有屯门街坊倒认出相中两人,列明地点表示「寻晚喺建生都有出现」、「我刚刚去兆康~都见到佢哋!问我有无钱?当然有钱在身!我解释唔到~点解要畀钱你?我接受唔到罗!」、「3点几喺龙门居都见到佢两个」。
另有人自爆遭其他怀疑「呃钱党」行骗的经历,称「有次,有两母女说没钱搭车返大陆,借咗$1000畀佢哋」,惊觉「原来这么多,中计了」。
最新回应