泳儿湿身骚带两套泳衣胶纸打底 黎展峯露结实手臂 黄明德包到实一实扬言会操吓肌

泳儿（Vincy）、黄明德（Dark）、黎展峯（Andy）及洪助升（Aiden）日前出席于海洋公园水上乐园「Aqualand」举行的「New Bomb音乐会」。四人预备了多首歌曲，炒热气氛，Andy及Aiden更唱到除衫，将气氛推上顶点。

洪助升

Vincy带足两套泳衣嚟湿身骚。

洪助升唱到除咗件牛仔衫。

Vincy当日带队三位师弟开唱，她坦言愈来愈喜欢唱户外live show！

黄明德著到好密实，他早前减肥成功，透露之后应该会操吓啲肌肉！

最近经常出席「湿身音乐会」的Vincy当日带队三位师弟开唱，Vincy坦言愈来愈喜欢唱户外live show，「觉得自己开始有少少个人比较『E』咗，入面有好多Energy需要放出嚟，所以今年都做咗两只歌系特别tailor made for live show，可以同观众多啲互动。」事先张扬会以泳衣打底的她当日表示「冇泳衣打底」，「衬唔到呀，不过我黐咗好多胶纸打底，哈哈。因为惊出汗，怕件衫会跣落嚟。」除咗服装，Vincy在化妆及发型上都早有准备，「化妆师帮我化咗个防水妆；发型师就帮我整咗个wet wet look，流汗都唔会好觉眼，流汗都唔会塌呀。」而预先收到风Andy跟Aiden会除衫的Vincy，亦特别预备了两套衫出击，「见Andy同Aiden佢哋除衫，咁我冇得除，所以为咗赢取观众嘅尖叫声，我决定换衫，我都唔执输！哈哈。」

洪助升短tee示人吊粉丝胃口

而原本穿长袖衫的Andy跟Aiden唱得兴起时，都脱去外套，Andy背心上阵，露出结实的手臂，问他是否乘机展示频频操肌的成果，他直言「系吖」，「难得气温同埋气氛适合，展现下少少操肌成果，亦都偷偷俾自己唞一下凉。」不过原来他开show前两个星期前弄伤颈，所以未能将最完美的一面展现，「所以做gym都唔敢做得太重，最理想当然系练到上身够大同靓比例，特别系练多啲腹肌。」Aiden则以窄身短袖tee示人，话要吊一吊fans胃口，「若隐若现，吊住fans啲胃口先，哈哈。下一次show自己健身的成果。」相反，近日减肥成功的Dark则十分密实，以牛仔褛造型出现，「减肥成功系我嘅第一步，之后应该会操吓啲肌肉，因为我之前已经得知Andy会除衫，所以喺佢隔离系有啲蚀，所以我就唔除啦。」