巴黎奥运｜大皇宫最高体验 睇住剑神衞冕 招牌伸脷点少得

Wow ! 再次现场直击香港运动员夺金，而且系同一个场地！

继江旻憓之后，喺巴黎大皇宫内改建嘅剑击场，又可以全程紧贴张家朗赢男子花剑金牌，成就香港体育界史上最辉煌之夜。

如果可以有分身术，可以做埋何诗蓓攞女子200米自由泳铜牌就好了。

大皇宫古典华丽，家朗由长长楼梯行落赛场时，1米93身高令佢特别显眼。准决赛已系惊险过关，金牌战唔止决一剑，仲要连打3剑先至分出高下，现场目睹更心惊肉跳，绝对经典之一战。

第二次夺金，家朗少咗激动，更多一份从容，真正剑神风范。