巴黎奥运｜石伟雄生命作赌注 冒断脚风险换奥运资格
2024-07-29 21:20 
体操港将石伟雄在巴黎奥运资格赛以第14名完成跳马项目，未打入最后8强的决赛，3度征战奥运舞台以此告终。石仔周一在社交媒体发文总结，表示自己已经做足本份，包括4次冒断脚风险打针，又曾经为腰部做手术，才能够换来再一次上奥运赛场比赛的机会。
由伦敦奥运、东京奥运去到巴黎奥运，加上仁川亚运及耶加达亚运两次跳马金牌，石伟雄为香港体操界别付出一切，甚至不惜冒断脚风险上场比赛。
完成巴黎奥运之后，石仔在网上总结今次经历：「巴黎奥运呢一段经历完结啦。今次成绩虽然未如理想，但系我做到自己需要做到既本分，做到享受呢个舞台，做到平常心完全冇压力咁去比赛，我对得住自己，珍惜每一日仲可以练习同比赛既机会。」
「由上届东京奥运，要决定喺巴黎见大家，我做到啦，我好感恩可以第三次去奥运，好感恩呢三年陪我一齐癫嘅教练（佢而家都系总教练），裁判，治疗师、医生，屋企人，每一位帮过我既人，好感恩喺我背后默默支持我陪住我经历高低起跌既嘅香港市民。」
「呢三年既路已经唔可以用崎岖嚟形容，要去世锦同奥运，一定要用世界杯拎积分嚟拎资格，所以由22年头开始我两只脚一直有伤都好都唔可以休息，特别系由上年世锦拎唔到资格后，我即刻做左个腰手术，我同医生讲唔好话比屋企人知，我自己一个人出入医院就得嫁啦。」
「之后就要马上转用4站世界杯拎资格，好好彩最后我都拎到去巴黎既入场券，呢个『好彩』并唔系真系好彩既意思。由1月去荷兰集训到4站世界杯，系第1站同第4站之前，我好低调即日来回荷兰香港返黎打消炎止痛针。」
4次打消炎止痛针，可能令到石仔冒断脚风险，但是他仍然选择继续。石伟雄回忆道：「打第一枝既时候，医生话，会有断既风险。我话明白，冇问题。」
到打第二枝
医生话：你上次打完唔够两个月喎
我话：系丫，只脚顶唔顺啦，又痛过
医生话：唔好打咁密，两个月打两枝唔得嫁
我话：我唔怕丫，拣得去就冇得怕，都最后一站啦，我唔想系呢个时候跑唔到，我情愿断都唔要三五七十年后后悔自己点解当初唔行多步。
到去奥运前3星期，呢个时候又黎，谂都唔谂同总教练讲返香港打多枝
到第三枝
医生：好，即刻帮你安排，之后佢冇再讲野
临去奥运之前我再问医生如果要再打多支你可唔可以嚟法国帮我打？医生话：我睇吓情况啦，如果行得开可以嚟睇你比赛帮你打多支支援你。系最后比赛前几日医生都嚟咗法国帮我打多支，令我可以冇顾虑同安心咁比赛，呢个比赛结果我觉得最无悔无憾啦，呢个过程我好满意。
另外，我去奥运之前问左两位治疗师可唔可以黎睇我比赛，佢地谂都唔谂即刻话黎，佢地即刻唔做生意即日飞过嚟睇我比赛，多谢你地。
真系太多人要多谢同感激，多谢每一位帮过我既人，我呢一世都会记得，多谢你地飞过嚟睇我又好，睇电视支持我又好，比完赛我收到每一位行过路过市民都讲声respect, proud of you,呢样系我最想见到嘅，多谢你地支持我，留意香港体操呢个运动，留意香港既运动员，感恩。
「最后，我呢26年嘅体操生涯从来都冇多谢过我自己，多谢你26年嘅坚持同努力，艰难左26年都冇放弃，当我有78岁命，你坚持咗1/3你嘅生命日复日年复年咁做，石仔多谢你。」
石伟雄在社交媒体的总结，引来外界纷纷留言鼓励及支持。他的教练塞治也在网上撰文，感谢石仔多年来的付出。
塞治教练撰文如下：
亲爱的石伟雄，
你在竞技体操领域超过20年的旅程，成为坚定奉献和不屈精神的光辉典范。你克服的挫折和所达到的成就，展现了人类意志的力量。你展现的纪律、野心和毅力，确实是对香港体操队新一代极大鼓舞，是让有抱负的年轻体操选手效仿的模范。
他们将以你的成就为证据，证明通过努力、坚持和对成功的渴望，终有一天可以成为强大的人。你的故事将激励他们追求梦想，接受前方的挑战，并在逆境中永不放弃。
你写下的历史将激励新一代体操选手延续香港卓越的传统，将标竿提得更高，并在这项运动上留下难以磨灭的印记。你的道路已经开创了先河 - 现在轮到下一代追随你的脚步，写出他们自己的传奇。
我为你感到无比骄傲，
Sergiy Agafontsev
最新回应