郑秀文演唱会丨Jer自制迷你盲盒扭蛋机赠Sammi 拖手唱《不要惊动爱情》 完场为Fans签名兼收礼

天后郑秀文（Sammi）昨晚（24/7）在红馆举行第10场「You & Mi 郑秀文世界巡回演唱会2023」（Rescheduled ），好友车婉婉与囝囝、Cookies成员吴雨霏Kary和区文诗Angela、岑宁儿YoYo、陈咏谦、欧阳靖MC Jin、天堂鸟的Gordon等捧场。

Sammi穿上牛仔晚装配衬闪爆珠宝，风骚在台上自转，问观众：「今日我著咗牛仔装，正唔正呀？转个360度畀你睇吓，系咪好婀娜多姿呢？」观众大叫好索。「今晚呢位嘉宾，新与唔新之间，都算新，出道咗几年，佢嘅唱功毋庸置疑，非常之好。几位嘉宾不约而同都要同我合唱呢首歌，唔知点解呢？」然后音乐响起《不要惊动爱情》，全场大合唱，Jer升上舞台，他们拥抱后手拖合唱，跟四面台观众打招呼。

Sammi穿上牛仔晚装配衬闪爆珠宝，风骚在台上自转。

二人拥抱后手拖合唱，跟四面台观众打招呼。

Jer直言上次同今次做嘉宾感觉好唔同，上次12个人，有班兄弟喺身边陪住，今次得自己一个人特别紧张。

Jer台上独唱由冯允谦JayFung作曲的新歌《约齐灵魂在坟墓前开生日派对》。

Sammi演唱会不经不觉已经去到第10场。

2019年MIRROR初出道时曾全队担任Sammi红馆「FOLLOW Mi演唱会」表演嘉宾，与Sammi演唱《默契》。昨晚Sammi与Jer合唱后对他说：「哗，数数手指，上次同台已经系2019年，嗰次算系你哋第一次上红馆。」Jer说：「系呀，嗰次同今次感觉好唔同，上次12个人，成班傻更更，有班兄弟喺身边陪住，今次得自己一个人特别紧张。今日彩排，同老师练咗好耐，和音同埋点样分段唱好啲。」Sammi表示他好紧张，叫观众给他掌声鼓励，她说：「谂返自己以前去一个咁大舞台，都会好惊和脚震，但我觉得你今晚表现相当之好。」

Jer准备了礼物给Sammi：「配合返你早前出新歌《盲盒》，特登整咗个『愉快盲盒扭蛋机』，里面有啲关于我嘅小礼物，人型公仔啦，扭蛋里面仲有啲神秘嘢，例如字条、祝福语、零食、糖果。（哗，有零食我就够）因为我知你锺意食零食。（劲锺意、超锺意）其实我原本想整薯片包，畀COLLAR整咗呀！」他咬牙切齿，非常搞笑。又说：「我都好锺意食零食，所以想将呢个小心意送畀你。仲有，时间关系，呢度已经有一只扭蛋。」Sammi见他从裤袋拿出小扭蛋，笑说：「好似求婚咁，要送我首饰？嫁畀我啦！」Jer当然不敢，他掏出一个小公仔，Sammi说：「哗，我老花喎，咁细。哦，公仔嚟嘅！」是Baby MIRROR的Jer公仔，Sammi笑说：「虾我老花，好Cute，大过粒鼻屎！」全场爆笑。Jer拿出纸条说：「之前你喺一个po话过『食完有运动，无有怕，食饱先至系人生』。」Sammi将迷你Jer放入裙袋，然后落台。Jer台上独唱由冯允谦JayFung作曲的新歌《约齐灵魂在坟墓前开生日派对》。

Encore期间不断收礼物打乱了拍子，Sammi立即要求重唱，自己encore 自己。

Sammi穿著小背心牛仔裤配珠宝型格登场唱新歌《盲盒》。

Kary和区文诗结伴到场。

好友车婉婉与囝囝BBQ一见到扭蛋机就兴奋不已。

Sammi孭住「薯片斜孭袋」到红馆外为Fans签名和收礼物。

Encore时，Sammi穿著小背心牛仔裤配珠宝型格登场唱新歌《盲盒》，期间不断收礼物打乱了拍子，她立即要求重唱，自己encore 自己。昨晚Fans送的礼物各式各样，除了每晚都有的花束、薯片外，还有圣诞造型的咕𠱸，又有写了「金像奖影后郑秀文」的肩带，Sammi立即戴上身，风骚转圈让观众欣赏。完骚后，Sammi孭住「薯片斜孭袋」到红馆外为Fans签名和收礼物，几百Fans企满场外和火车站外，欢呼呐喊、吹哨子和唱歌，非常热情。