ROVER四子各有不快往事想推倒重来 努力进步写好歌回报公司力捧丨独家

乐队ROVER推出第2首单曲《回魂术》，除继续亲自作曲，还首次挑战编曲，向全能乐队进发。《回魂术》以欺凌为主题，亦有修补被破坏过去意思，而四子则自揭各有想推倒重来的不快往事。他们又坦认感受到被公司力捧，会努力进步及写好歌回报公司宠爱。采访：杜杜 摄影：孔子 形象:SK@issyynkeem 发型:kit li化妆:左玉婷、sharonlee_makeup 服饰:MR PORTER、DEOPUZ 场地:No.1 Party [email protected]

ROVER认为报答公司最好方法，就是做好自己做出成绩，努力创作更多好歌。

四子提到若有机会可以推倒重来，都表现得好兴奋。

相对于出道作《秒速8公里》，ROVER创作《回魂术》速度更快，Jason说：「嗰晚睇完TRASH 喺《春浪》骚表演，跟住Kim话『不如去写歌罗』，结果一写就写到朝早，虽然我哋第2日有Job，但灵感啲嘢一嚟就要写，唔系就冇。」四子兴奋透露首歌在他们首个Band房「出世」，不过当时未装修好，要坐地下写歌，Jason说：「有啲煎熬，我哋食完嘢都几晏，大家好热血沸腾咁话要返去写歌，但系写歌唔系话写就写，嗰晚只系谂咗首歌嘅初形。」希晋说：「嗰晚同时间写紧另一首歌，想有得拣，我哋都拗到癫，个脑真系纠结到爆，又谂主题、曲风，亨仔先会扻头埋墙。」亨仔说：「因为谂唔到拣边首先。」

ROVER见完偶像台湾队团TRASH，即有灵感创作《回魂术》。

ROVER亲自为Band房装修，砌鼓当然由Jason动手。

公司为ROVER买了大量新乐器。

Jason望顺利大学毕业

四子这次首次挑战编曲，原来早在《秒速》时他们已试编了一部份，今次决定胆粗粗向监制Edward Chan提议全首歌做，希晋说：「希望呢首歌骚到我哋型外，想有我哋多啲谂法喺里面，当然Eward老师都有畀意见，但今次想放手畀多啲我哋做。」Jason认为作为乐队，向这方向走是必须，「无论曲词又好，编曲又好，需要多啲我哋元素喺入面，会更真实属于我哋。」但填词方面他们仍未有信心，相信暂时都要假手于人，Jason说：「始终我哋揸笔嘅经验唔多，写吓demo仔都有，但系要写到一份好成熟、好中嘅词，需要多啲时间练习，今次搵咗梁栢坚老师帮我哋写呢份词。」

ROVER新歌《回魂术》MV，趁到台湾拍《团魂修炼》时一齐拍。

ROVER感激监制Edward鼓励他们为《回魂术》编曲。

《回魂术》以欺凌为主题，但亦有修补被破坏过去的意思。若然四子有机会将过去推倒重来，他们又会想改变那一些不快经历？Jason主动举手讲，「老实讲我唔系好锺意读书嘅人，锺意落手做比较活泼啲，所以拣读Fashion Design，但自己比较懒功课未交得足，因有好多工序比较复杂，有机会想努力多啲读书，咁我应该毕咗业。」工作同学业两边兼顾的他，本来今年大学毕业，但要延至明年。希晋就想重拾童真，「以往觉得有好多时间，转眼今年25岁，好想返18、19岁嗰时，最冇烦恼、冇压力嘅时候，可以多啲时间玩，好彩𠵱家入到ROVER，搵返个目标继续前进，同兄弟一齐去闯。」

Jason希望努力完成大学课程。

Jason希望努力完成大学课程。

希晋想重拾18、19岁的童真。

希晋想重拾18、19岁的童真。

Kim想爱猫起死回生

亨仔就想改变16、17岁时的心态，「𠵱家对唱歌有啲信心，希望嗰时已经系咁有信心，如果我早啲开始，就唔会嘥咁多时间，咁迟先开始音乐事业，自己好想喺嗰时就开始努力，𠵱家好彩识咗ROVER佢哋。」Kim最希望有起死回生能力，可以见返到几年前急病过世的爱猫德德，「嗰时咁啱唔喺屋企，见唔到佢最后一面，想见到佢最后一面先送佢走。」最神奇是德德的死忌，他都彷佛看到它「回魂」，「试过有年见到好大只飞蛾黐咗喺度，后尾我阿妈就话嗰日就系猫猫死忌，近排我返屋企出𨋢，又系嗰个日子有咁大只飞蛾，谂起就好想有起死回生能力。」

亨仔渴望改变16、17岁时的心态。

亨仔渴望改变16、17岁时的心态。

Kim最想见到爱猫最后一面。

Kim最想见到爱猫最后一面。

ROVER出道被受公司力捧，拍团综《ROVER团魂修炼》，租私家Band房又买乐器，开告别九展骚，更获安排唱奥运主题曲兼任开幕式表演嘉宾。四子感受到得宠的滋味，Jason笑谓：「简直系开心得像个孩子。」为此他们会更加努力报答公司，亨仔说：「出多啲歌，唔可以辜负对我哋嘅期望。」希晋就希望学好乐器，「希望结他快啲进步神速，可以弹到亨仔咁劲。」Jason认为做好自己最紧要，「我会尽力同大家配合，做多啲好歌，做快啲再完整啲。」Kim好认同，「我觉得报答公司短期内都系唔好迟到，哈哈！我讲自己！」

ROVER与KC&Tsoul为公司唱奥运主题曲《星尘远征军》。

早前ROVER举行《ROVER 告别九展音乐会》免费骚。