韩子亮望力推好作品打造新形象重新做人 恋恋不舍自资出歌再战乐坛
2024-07-16 05:28 
时隔两年，32岁韩子亮(TL)重返乐坛即将推出新歌《单恋》，新歌讲述单恋一个人嘅爱情故事，亦系唱出TL 一段8个月嘅爱情经历，回想呢段恋情，TL相当痛心：「我一直明恋佢，佢都有做啲暧昧嘅事情，我哋会好似情侣咁拖手行街、食饭、睇戏，虽然最后只系煲『冇米粥』令我好伤心，但就变咗灵感泉源，写咗一首作品。」今次TL更请来曾系童星的唐子辉复出拍MV。
TL继两年前作品《CUZ I'M TL》后再出单曲，TL眼见2018 年推出《Party With TL》被疯传，𠵱家喺Youtube累积超过70万点击率，尽使近年较低调，但仍然对乐坛好留恋，好想再抢高峰：「之前趁空档做运动、练舞、学唱歌嚟装备自己，𠵱家转做独立歌手自资出歌，更要处理埋幕后嘅事，系会比较辛苦，但学懂成长，会更加珍惜演出机会。」TL希望新歌能令听众记返佢系一位歌手，藉住好歌淡化过往佢一啲唔好嘅记忆。
最新回应