甄泽权花5年钻研百人魔法吓亲观众同岁半囡囡玩弹出大量创作灵感丨独家

2024-06-04 08:00

41岁魔术师甄泽权（Louis）凭TVB节目《街头魔法王》系列成功入屋，Fans年龄层极广，更不时到世界各地巡演。已是爸爸级的Louis本周五在澳门展开巡演首站，他更事先张扬，会有个灵感来自岁半囡囡Kacy嘅惊喜魔术，全场观众都能同时参与，非常好玩。采访：方骞平场地：澳门永利皇宫酒店

Louis期望澳门成为舞台基地，可长做长有。

Louis唔后悔拣做收入唔稳定嘅魔术师。

Louis坦言魔术师之路唔易行。

Louis将家人故事、5年来嘅心路历程、人生故事等融入最新表演魔术中。

Louis不停创作新魔术，未有松懈过。

《THE INFINITY甄泽权世界巡回魔术之旅》于5年前完成后，Louis除咗凑女外，仲不停创作新魔术，未有松懈过。他透露最新嘅《以魔法之名世界巡演》首站喺澳门演出4场，以「MY FAITH」为主题，将家人故事、5年来嘅心路历程、人生故事等融入表演魔术中。

Louis《以魔法之名世界巡演》首站喺澳门演出4场。

最新巡演会加入好多新元素。

2019年Louis跟拍拖多年女友李绮嘉(Elffi)结婚。

年多前可爱囡囡Kacy百日宴。

囡囡100日时超可爱。

希望红馆搞尾场
其中上演嘅「百人齐齐玩魔法」最有难度，足足构思咗3年，再度咗两年时间加无数实测才成功：「我觉得魔术唔止得个睇字，观众要有份参与才有投入感，今次唔只得几个观众玩咁简单，系会有魔法发生，我会变咗啲嘢出嚟喺佢哋身上，畀佢哋带走返屋企，令佢哋怀疑人生『点解嘅？冇乜理由喎！』其实呢part跟囡囡有关连，有时同佢玩系灵感泉源，会涌现一啲新谂法，不过就用多咗制作费。」除此之外，仲会集合以往每个魔术表演嘅元素，如同上演upgrade版嘅《街头魔法王》、《魔法伽俐略》及于「匈牙利Joker Magic魔术大赛」夺冠的白鸽魔法等。

囡囡Kacy成为新魔法泉源。

女儿Kacy系Louis忠粉。

女儿Kacy有甜美笑容。

女儿Kacy人见人爱。

饼印两父女。

疫情期间Louis变身凑仔公。

囡囡带给他魔术新灵感。

Louis坦言疫情期间冇得演出令他事业跌落低谷，幸好「钻研」咗囡囡出嚟，改变了他的人生：「Kacy成日笑好开心，唯一见到我变走佢嘅玩具就会喊。另外，都感激太太Elffi一直默默支持，佢唔介意我收入唔稳定，令我更加冇后悔入错行，虽然魔术师之路唔易行，但仲顶得住，希望巡演尾场可以搬上红馆，而且澳门成为长做长有嘅舞台基地。」