林作自封为「何太头号公敌」！直播爆粗闹爆：只系想呃呃𠱁𠱁唔使做
2024-05-28 13:00 
因为TVB节目《东张西望》报道76岁何伯与年轻逾30年的新婚太太因450万而与五子女反目的事件掀起全城热话，新何太成为网上热爆人物，连「抽水王」林作出100万邀新何太开班教煲汤，但新何太在直播上公开直斥林作「肾容（信用）」有问题而拒绝合作，林作出po直斥「何太含血喷人」后，晚上在IG开直播，爆粗闹爆新何太！
相关阅读：「抽水王」遇到高手？被何太公开寸爆「肾容」有问题 林作直斥：想污蔑我
林作公开爆粗反击何太？
林作自封「何太头号公敌」
对于被新何太公开直斥林作「肾容」有问题，林作昨晚（27日）在IG开直播并留言说：「1. 所有商家千万不要和何太合作；2. 本人除了是香港抽水王外，现增加一个称号：何太头号公敌。3. 何太是个唔识字、白卡、以及道德败坏，污蔑他人的坏人。」在片中，林作直言要数臭新何太：「我绝对系同大家同仇敌忾，绝对同呢个何太系冇任何合作，亦都冇欣赏过呢个人，而家简直系鄙视，我希望大家记得我系新何太头号公敌！」
林作奉劝所有商家不要找何太合作
林作奉劝所有商家，千祈唔好搵何太合作：「唔好畀钱佢搵，更加唔好嘥时间同佢倾，呢个人系值得封锁。佢系冇文化同绝对唔识字，小弟非常恭敬咁畀咗啲文字佢，两秒钟就话啲文字唔明，然后就覆番我啲模棱两可嘅嘢拒绝，之后同个YouTuber扭曲我讲嘅说话，并且指控我冇『肾容』，我谂佢系话我冇信用，仲话系骗局，呢个真系好过份。」林作又称今次是在未正式谈判下已经被拒绝：「open to提供好多唔同条款，但系佢都系唔倾，一知道唔系即刻有100万之后，要做嘢架，x你个肺，你以为你嫁畀何伯之后，真系有几球收？」
何伯何太相恋时间线：
林作扬言与新何太反面
林作越说越激动并指手划脚地说：「呢个人呀，贪！剩系想呃呃𠱁𠱁攞完唔使做，呢啲系贱人，根本就非常过份嘅一个人。我真系俾佢激亲，噚日走咗去睇佢嘅直播，讲啲嘢夸张到不得了，飘飘然都不得了，系非常核突嘅表现，我觉得系令人发指。」林作扬言与新何太反面：「敢作敢为，敢爱敢恨，你过我一栋，咁我要出嚟讲番个事实。我唔想将自己同人哋嘅私下对话拎出讲，但系佢不仁，我不义，佢屈话我冇信用，我都唔知乜嘢信用？我同佢只系倾紧，我系愿意俾出一个非常高嘅底薪，无论如何佢都一定有收入，每位学员收450蚊睇佢煲汤，每个人嘅学费都会拆钱畀佢，一个当系百零蚊，一千个咪分十零蚊万，一万个就分百零万。」
林作斥新何太「系一个坏咗嘅人」
林作续说：「佢竟然够胆死话我呃佢，同人讲话要有1万个学生先有钱分，我几时有讲过呢啲说话？你唔可以扭曲我啲说话，一系你就唔识字，第二你就系特登屈我，亦即系话你话人有问题，直头系一个坏咗嘅人。我哋都冇谈过，只系话俾钱佢出嚟做骚，你以为唔使捞就有钱收？你系咪真系以为嫁畀何伯之后可以有攞几球？你x味呢个系乜嘢心态？直头系过份！呢个人真系好有问题，所以我决心要数臭佢！」
其他文章：
何太即将再度现身《东张西望》！冲口而出公开闺房事 惊爆非首次做「何太」
何太直播与何伯咀嘴咀到啜一声！冧爆：佢一晚五次㗎 疑袋逾万元课金
东张西望丨何太做网红？预告开培训营拍片教煲汤 与何伯红雨去医院再买校服
东张西望丨何太疑嫌出手低？开班教煲汤要求分帐 林作加码至100万利诱
东张西望｜何太惊爆何伯拟改遗嘱！亲回林作重金聘合作 孖米芝莲大厨开节目？
东张西望｜何太一原因看不上李龙基？2字亲回被何伯子女破坏发财大计
紧贴最新最快新闻资讯，请立即下载星岛头条App：https://bit.ly/3Q29Vow
最新回应