钊峰迷上跑山直认「上瘾」难凑齐C AllStar成员参加毅行者：冇可能

2024-05-27 18:52

乐施会将于11月举行「乐施毅行者」，并首设40公里赛事，C AllStar成员之一的梁钊峰今日（27日）出席记者会时指，自己近年已转跑山路，早前亦错过与安仔参加的机会，故作为乐施大使亦锐意参加今年毅行者，正招揽跑友参加，但笑言C AllStar四子「冇可能」一起组队参赛，更指安仔大呻参加毅行者好辛苦、好攰、好眼瞓，现只能另外再觅跑友共同进退，希望能一起经历特别的回忆。

乐施会将于11月举行「乐施毅行者」，并首设40公里赛事。

钊峰分享近年才转跑山，「跑山好恐怖啊呢个名字，但其实系越野跑罗基本上，就唔系路跑，有好多好趣嘅，例如可以睇风景，佢系唔同嘅锻鍊嚟，同埋我觉得香港呢个地方系好适合跑山，因为好快由市区去到一个山点，系好快嘅，而毅行者就系麦理浩径，所有路段系好fine、好安全，亦都好正。」而他亦分享去年开始跑山赛的经验：「系好难忘，嗰个系即刻想同我妈讲我得咗。因为平时我都有跑开山，可能大概8-16公里呢啲距离，我见到都好想搵嘢挑战下自己，咁我就报名参加。由乜都唔识开始，原来要带pole嘅，即系要行山杖，原来啲鞋系要咁嘅。山赛一定辛苦㗎喇，但你点样面对，同你得到啲乜嘢，有时候系会上瘾。」

相关阅读：钊峰面对现实谂生仔互相鼓励唔怕C AllStar各为其主

钊峰向友人推广跑山

钊峰更表示不时会跟友人推广跑山，亦会跟几位好友一起跑山：「顶多系一两个，真系嘅老实讲，我真系好少可系一大班人跑山，呢个系我暂时嘅目标，就系搵多啲friend，因为我唔定时呢，即系人哋得嘅时间我未必得，vice versa。」至于会否想做跑会？他表示：「有嘅，同埋跑会除咗跑之外，仲可以筹集到一班人去做一啲嘢，我未谂到，可能有啲更有意义嘅嘢可以做得到，跑会系可以有个team spirit。」并指会着手筹备跑会。

C AllStar成员之一的梁钊峰今日（27日）出席记者会时指，自己近年已转跑山路。

钊峰叹C Allstar难合体参加毅行

说到参加毅行者，钊峰亦表示：「其实今年真系好好，好似为我而设咁，我可以选择100km/ 40km，其实user-friendly啲，你问我，我就睇下根据我嘅工作schedule同训练状态睇下点，因为我都唔想好似睇阿雪咁，有意外又受伤。同埋我觉得紧要嘅系，唔系净系一个跑，4个人肩并肩，你要对得住自己队友训练罗，但我就觉得点都会挑战，做得乐施大使。」之前钊峰参加毅行，曾有机会C Allstar队友陈健安同一队，但最终未能成事，「佢同我讲毅行好辛苦㗎，但系都memorable，值得参加嘅。」不过钊峰却表示想C Allstar四子一起参加，是不可能的事：「安仔系最有可能㗎喇，咁但系我哋嘅共同hobbies系打篮球，山路就⋯⋯我有问过㗎，但就真炆⋯⋯好老实，真系⋯⋯（平时有冇问过？）冇啊，join唔到啊，大家作息又唔同，咁可能真系啲⋯⋯物色紧，系一个共同经历嘅体验。」

相关阅读：钊峰自爆英文名吸引注意张继聪预告新年节目跑戏院

钊峰早前错过与安仔参加的机会，故作为乐施大使亦锐意参加今年毅行者，正招揽跑友参加。

钊峰分享前期准备最紧要是有训练的schedule：「因为我听闻上次嘅经验，即系安仔跑嗰次，有人会起水泡，有人系会唔舒服，攞返呢啲经验去拣啲好嘅鞋先啦，然后比啲好嘅gear，同埋就系筹款，毅得就系筹款，同埋有support team，好多嘢要准备啊，谂下谂下就……就support下罗，科水罗，直接科水罗。迫佢先，肯唔肯（跑）？唔肯唔紧要，科水罗。」

钊峰将出发去尼泊尔

说到近期的工作计划，钊峰透露即将出新歌及准备舞台剧，接下来6月底跟乐施会到尼泊尔：「去一段时间，因为除咗扶贫嘅嘢，要去睇乐施会嘅工作如何啦，仲要因为尼泊尔喺2015年地震过，我哋就会睇返15年震后重建嘅嘢，同埋点样防范天灾。因为尼泊尔始终都系好穷，但佢哋精神嘅富足系好好，因为佢佢哋有宗教信仰又成，同埋我未试过去尼泊尔，我就做足准备打齐针，同埋预咗有好多高山呢个trip，会睇验一下。」钊峰期待可以有深刻的体会，但他透露，自己早年去西藏时，曾出现高山反应，但高山反应难以预备，一旦不适只能硬着头皮死撑，「半途而废唔系我个人」，得到的体会有机会加入创作。