79岁陈惠敏谈患脑癌细节！病发晕倒后确诊感害怕：点解老咗会变成咁呢？
2024-05-15 14:50 
现年79岁的武打影星陈惠敏在2020年中风兼患有肺癌，幸好他及早发现，经过治疗后已战胜病魔，康复情况理想。不过近年在网上流传陈惠敏驼背撑拐杖的相片，再度惹来外界对他健康的揣测。近日陈惠敏接受资深传媒人汪曼玲的访问，陈惠敏自爆3年前曾患上脑癌！
相关阅读：陈惠敏中气十足为太太庆祝生日 相伴半世纪注册给予名份赞老婆够包容
陈惠敏自爆3年前曾患上脑癌：
陈惠敏3年前曾患脑癌
陈惠敏近日接受资深传媒人汪曼玲的YouTube节目访问，即将80岁的陈惠敏，在访问上见他中气十足，谁会想到3年前又曾患上脑癌，陈惠敏说：「我3年前因为cancer令身体弱咗好多，我而家医返好，冇事㗎喇，但系最近呢半年又轮到对脚，我而家两边脚都换咗髋关节，换咗几个月，因为行路平衡唔系咁好，所以行路都拎拐杖就下啲力。」重提当日发现患癌的经过，陈惠敏说：「有一轮我喺屋企落梯都觉得有啲晕晕哋，成日觉得有啲唔妥，点知有一次落楼梯之后，突然成个人晕咗，之后咪去医院检查，检查完之后，发现个脑有粒好似绿豆咁大嘅嘢，影响咗成个人，有时候会觉得好唔清醒。」
陈惠敏花7位数字医癌
陈惠敏很感激遇上一个医癌的医生，当时连化疗和电疗都不用做，他说：「医生话1000个人都冇一个好似我咁，因为我运动底子好，我剩系打针同食药，连标靶都唔使做，只系每20日返去医生度吊针，吊咗差唔多一年，每吊一次都要7、8万，都用咗好多钱，用咗百几万，不过而家健康好番，冇乜大碍。」不过近半年又轮到脚出现问题：「可能我后生打架多，又练武，搞到对脚嘅软骨冇咗，行路非常之痛，最近几个月就做咗一个髋关节手术，换咗一个金属落去。」
陈惠敏昔日电影剧照：
陈惠敏获悉患癌一刻觉得害怕
当日陈惠敏获悉患癌一刻，当然觉得有点害怕，他说：「话唔惊就假，系人都怕死，点会谂到个脑会有cancer？嗰阵系好严重，成日晕，睇嘢又睇唔清楚，因为系喺右边个脑发现，影响咗左边嘅身体，所以我而家都有少少唔系咁灵敏，仲有啲痹，仲试过冇乜力。」幸好当时有家人的支持，陈惠敏说：「嗰阵辛苦我太太，仲有自己都谂唔到，后生嗰阵咁强壮，讲句牙擦啲，真系打匀东南亚，点解老咗会变成咁呢？冇办法，年纪大，年龄控制住你嘅机能，我都就嚟80岁，医生都话好好，脑癌咁严重都医返好，算系一个奇迹。」
其他文章：
大马拿督封街筵开600席娶新抱！香港群星现身 80岁陈惠敏战胜癌魔上台唱歌
79岁陈惠敏双颊凹陷驼背撑拐杖现身饭局 惊见左手姿势怪异网民忧心健康状况
---------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应