「亿万驸马」结婚两周年连环出招冧妻 送巨型钻戒被质疑：点解你有咁多钱？
2024-05-09 16:00 
昨日（8日）是「亿万驸马」伍富桥与富家女太太梁兆楹（Shirley）结婚两周年，本来伍富桥为结婚2周年，花尽心思氹老婆，除了唱老婆最爱的Twins歌曲外，还在高级餐厅撑枱脚，期间伍富桥更为老婆送上惊喜，大手笔送上巨型钻戒，殊不知被老婆不停质问：「你点解会有咁多钱？」
相关阅读：「亿万驸马」伍富桥富贵老婆发千字文 霸气爆粗反击网民：佢X得落佢本事，你恨唔X到咁多
「亿万驸马」伍富桥被老婆疯狂质疑：
伍富桥结婚2周年花尽心思氹老婆
伍富桥昨日在IG限时动态贴上多段短片，原来昨日是两人结婚为两周年，伍富桥今年花尽心思氹老婆，先在录音室翻唱老婆最爱的Twins歌曲，接着在高级餐厅厅撑枱脚，期间伍富桥更为老婆送上惊喜：「老婆，你上次咪话好想知我个秘密礼物系咩嘅？」随后他递上闪令令的首饰盒，梁兆楹即笑问：「个惊喜系咩嚟呀？系咪得个盒上面有闪石里面冇？等我睇下先！」梁兆楹在枱底打开首饰盒后，既惊喜又愕然并表示：「哗，点解嘅？边个买畀你？边个叫你买呀？（咩买俾我啊，我买俾你㗎）边个畀钱你买呀？（我自己罗）你自己攞钱出嚟买？点解你会有咁多钱嘅？（每个月储啲储啲就有。）」
梁兆楹收水滴型钻石戒指疯狂质疑
原来伍富侨为太太送上一只水滴型巨钻戒指，但太太收到礼物后，依然继续质问：「真定假㗎？水晶嚟呀？咩呀？Mom畀钱你重新镶呀系咪呀？冇可能！冇可能！你点解会有咁多钱？」伍富桥无奈表示：「你呢个咩问题？你试下啱唔啱先啦！」梁兆楹收到水滴型的钻石戒指，目测起码有三卡，不过梁兆楹错晒重点，戴上钻戒后继续摆出一个嬲样质问钱的来源：「靓啊，但点解你会有咁多钱？点解呀？我而家要重新考虑你呢个人。你讲大话呃我呀，我系唔会沉溺喺呢啲物质上嘅嘢，我而家要了解件事嘅根源，就系你系一个好多秘密嘅人，我而家开始要密切咁观察你。」
伍富桥梁兆楹上节目晒5,000尺豪宅？
伍富桥惨被老婆疯狂质问要再努力搵钱
惨被老婆疯狂质问的伍富桥其后笑言：「幻想嗰啲感动、流涕、拥抱，系唔会出现喺我老婆身上，睇嚟要再努力啲搵钱！有兴趣减肥，增肌减脂，越野跑训练，吹水，打发时间，欢迎DM！」伍富桥和太太梁兆楹的互动向来都很搞笑，而且经常被网民狙击，虽然梁兆楹一向笑骂由人，踏入龙年却突然一改作风，在社交网连环爆粗反击网民：「我的社交帐号纯属个人分享，所以最后我想发表的是，人无完人，看人先看己，秤人也秤己，讲到尾就系，佢X得落佢本事，你恨唔X到咁多，完！」
其他文章：
29岁「亿万驸马」双眼肿胀变咸蛋超人！老婆有一要求 无奈开年：有冇良心呀你
伍富桥躺病床「重口味」同老婆出动道具玩脚趾！ 亿万驸马住豪华私家房晒行头
「亿万驸马」伍富桥戴老婆Bra扮大只美人鱼？曾变旗袍美女获大赞再冧妻
-------------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应