邓丽君逝世29周年丨管家金美罕现谈昔日关系：佢畀咗我好多自信心
2024-05-08 21:33 
今日（8日）是一代巨星邓丽君逝世29周年，邓丽君生前的私人厨师和管家金美近日接受资深传媒人汪曼玲的访问，金美赞邓丽君对人好好，感恩自己有这个福份照顾她：「我而家都有梦到邓丽君，连邓妈妈都有梦过。」在节目上金美亦有分享邓丽君亲手的写的字条。明年是邓丽君逝世30周年，三哥邓长富将会主办以AI科技巡廻演唱会的活动来纪念邓丽君。
相关阅读：邓丽君45年前潮拎LV造型逐个睇！锺情经典Speedy 歌后竟是「小废包」始祖？丨星级品味
金美赞邓丽君对人好好：
邓丽君生前的私人厨师和管家金美每年都有去台湾金宝山拜祭邓丽君，谈到当年与邓丽君相处的点滴，金美坦言：「佢对我真系好体贴，我乜都唔识，好多嘢都系佢教我。」在节目上，汪曼玲亦有问到两人相识的缘份，金美说：「我妹妹系邓丽君嘅歌迷，嗰阵我陪佢参加歌迷会，我妹妹曾经讲过，佢连累咗我，如果唔系我嘅感情唔会踩到咁深，佢（邓丽君）离开咗我，我真系好难过。」本来金美不希望再谈邓丽君生前的事，但有老歌迷觉得，如果不讲的话，大家不会知道邓小姐的好，金美说：「我哋相处冇压力，佢大概知道我比佢幸运，有乜嘢都会知会我一声，好似有乜嘢食都会教我整，最特别系通菜两炒。」
金美表示邓丽君对她照顾有加
金美还说：「佢畀咗好多自信心我，以前我比较静，有啲人话我系哑，唔识得讲嘢，但系佢会分析畀我听，叫我唔好咁天真，有啲人讲吓唔好咁认真，好似去巴黎买嘢，叫我唔好乱买嘢，有钱就自己储返。」金美亦表示邓丽君一直对她照顾有加，当日接到邓丽君的死讯，金美当然难以接受：「我二家姐惊我会自杀，嗰阵我成个人麻木晒，唔知做乜嘢，反而妈咪（邓妈妈）比较冷静，叫我好好照顾自己，人走咗都要面对，啱啱大家姐喺缅甸，佢有一个出家朋友好锺意邓丽君，咪即刻帮佢做啲法事，大家姐个师父话佢收到，收到你哋对佢嘅心意。」
邓丽君生前照片：
金美多次与邓丽君梦中相见
其后金美一直住在邓丽君的故居，直到拆卸前才离开，她称当时希望可以见到邓丽君，但最后只在梦中相见：「我哋有好多嘢都难忘，好似教我包饺子，仲话如果女仔唔识包饺子系嫁唔出，佢自己都会亲自落手包几只畀男朋友食，对男朋友好尊重。」当时邓丽君与法藉男友Paul在赤柱同居，虽然在邓丽君离世后，外界觉得Paul是一个不称职的男友，是千古罪人，但金美反而有这个看法：「因为系邓小姐自己拣，佢开心咪得，有时见到佢（Paul）都几可怜，一落百踩，佢喺泰国一个人返嚟都有喊，佢都有解释俾我听，邓小姐都有讲过阿Paul对我比对其他人好。」不过现时两人已经没有联络。
其他文章：
日本演歌天后八代亚纪离世享年73岁 对邓丽君照顾有加情同姊妹
沈殿霞77岁生忌｜Google首页换肥姐肖像 专属涂鸦李小龙邓丽君榜上有名
台湾前领导人马英九为《声生不息》献声唱邓丽君名曲 参观湖南卫视睇祭祖片眼湿湿
------------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应