专栏｜忠诚会有好报吗？

马高列奥斯系我小朋友时期爱上多蒙特其中一人，靓仔潇洒，记得佢以前有一招好绝，进攻左边禁区对外5码射罚球，畸角位同角球旗之间，有啲人可能会话系却奥斯世界杯嗰球，但我永远记得系马高列奥斯嘅位置，有一段时间佢每球都入，去到依一刻讲波我都会讲。

2届德国杯，3届德国超级杯完全唔可以代表佢嘅成就，多次错失德甲冠军，见证住咁多位兄弟离开，例如罗拔仔同马里奥葛斯等等，有啲又会返嚟，好似查顿辛祖同晓姆斯，可能好多人会笑佢咁忠诚做乜，当年有曼联唔去，但试谂下佢去到嘅结果会唔会同辛祖一样？

佢对球会嘅爱系毋庸置疑，冇任何嘢可以去衡量，好快5月31日将会系佢35岁生日，近年球队已经淡化佢嘅作用，再唔系跑得带波推进嘅小伙子，已经蜕变成球队支柱，精神领袖，带领下一代。

多蒙特完成欧联主场最后一役，近十二年只系甩过两届冇踢欧联，难得主场领先巴黎圣日耳门，只要过多两关，就可以将最后礼物送俾佢，证明忠诚最终都可以修成正果，我哋一齐拭目以待。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ