元祖级𡃁模自爆堕「新剧本」电动轮椅骗案！ 机警靠两特徵识破骗徒
2024-04-29 15:00 
现年39岁、「元祖级𡃁模」邓洢玲（阿旦）近年专开了按摩店，希望可以杀出新血路，日前邓洢玲在开live自爆「我中咗有剧本嘅电话诈骗？？」言谈间无奈地说：「点解呢个世界有咁多坏人呢？」
相关阅读：38岁邓洢玲游泰大量泳衣Look解放好身材 顺应网民诉求公开澎湃正面照
邓洢玲自爆「我中咗有剧本嘅电话诈骗？？」：
邓洢玲开live表示自己被电话诈骗
邓洢玲今次在IG开live表示遇上电话诈骗并说：「冇畀人呃啲乜嘢，纯粹分享吓经历。今次分享都系畀大家打个底，希望大家都唔好中招。」邓洢玲称这次遇上电话诈骗与以往大众所知不同，形容是个「新剧本」：「有一个人cold-call嚟按摩店，话想搵负责人。话嚟紧想做一个包场活动，连续包两日，话有32个人上嚟按摩。」邓洢玲称当时叫职员whatsapp对方，但这「客人」却没回覆，过了一段时时间「客人」才回电表示转了电话号码，要负责人致电他另一电话，然后邓洢玲就很快收到whatsapp电话来电。
邓洢玲接获护老院负责人来电
邓洢玲表示对方是声称自己是一间护老院的负责人：「嗰个负责人系一个男人，讲广东话但系口音唔正，一开始所有嘢都非常正路，话希望带老人家出去走吓，晒吓太阳，按吓摩。」本来邓洢玲提议一可以上门按摩，不过就被拒绝，接着倾谈了非常多细节，当时仍不觉得对方有何问题，她还说：「对方还说：『你记得畀多啲discount我喎，因为呢件事都系我处理。我一路都会搵你。』嗰晚我都冇乜为意，因为同紧朋友食饭，佢就好急咁追我开Invoice畀佢，其实佢系催我畀Invoice，好奇怪。」可是翌日早上，邓洢玲收到对方连续多个whatsapp call，表示下午转钱到户落订：「临收线之前佢就讲：『邓小姐你会唔会识得有人买电动轮椅？因为听日有人嚟巡查，需要25部指定牌子指定型号。』」
邓洢玲在找寻期间，又再收到对方电话，表示希望邓洢玲帮他们在某店买电动轮椅：「佢话因为自己同个老板有拗撬，所以对方唔肯卖畀佢。去到呢度，我都觉得咁奇怪嘅。我未见过你，又唔系咁熟，点解要帮你买？我就打去问，问吓几钱有冇现货，再转介返畀佢。」原来今次是逐步设下陷阱，邓洢玲说：「佢点样呃我呢？佢畀咗个contact我，我就问佢有冇现货，佢哋又好快覆我喎。正常深圳公司唔会咁快，同埋佢哋唔会用whatsapp。」靠住两个重点识破骗局。
邓洢玲上演泳衣放题：
邓洢玲代购轮椅主动平2千蚊
邓洢玲称这公司希望与新客户有合作关系，所以会给予批发价，又指只需先付一半订金：「我奇怪，点解所有嘢都咁顺，佢又系用whatsapp打电话畀我，同埋正常佢系用wechat。最古怪系咩？佢系一部轮椅主动平2千蚊畀我！即系话25张轮椅，每张2千，就系5万。如果你有贪念帮人做呢个trade，你就可以赚到5万蚊呢，你就太天真啦！」邓洢玲觉得成件事很古怪，于是上网查这间护老院，然后直接打去查询：「我问有冇个林生，佢哋话冇。再问多句：『你哋礼拜四五有冇一个活动系带老友记出去？』佢哋就话：『冇喎！真系冇喎！』咁我就知系个电话诈骗。」
虽然这个声称是护老院负责人的男子，传了一张写有乜乜乜护老院转了25万买轮椅的receipt，邓洢玲查户口时，发现佢真的有25万存入她的户口，不过邓洢玲发现这笔「25万」是由支票入帐，即要第二天才可以收款，邓洢玲称肯定是一场骗案，于是拒为对方付款：「跟住另一边就话：『唔紧要，我过住关先，你求其过住几万蚊畀我先啦！』即系用到求其过住几万蚊，呃我廿几万变十几万，然后到几万蚊都杀，咁我梗系冇理佢啦。」最后表示对方也没再联络她，而邓洢玲亦打了电话向银行报备。
其他文章：
38岁「元祖级𡃁模」邓洢玲放解性感 著比坚尼晒玉背蜜桃臀 网民求正面图
邓洢玲加盟做主持唔抗拒穿比坚尼 林盛斌唔敢做「司仪界古天乐」
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应