方力申激爱女友叶萱甜赞6大优点拍拖年半有心有力拒奉子成婚丨独家

2024-04-19 07:00

方力申(Alex)于《逆天奇案2》中饰演的天才生物学教授，事事讲科学理论，甚至觉得爱情都系假，不过真身就刚相反，Alex认真对待每段感情，对于女友叶萱（Maple）曾勇敢公开被韩国邪教教主性侵，两人恋情一直不被睇好，不过拍拖年多的小方越嚟越爱女友更激赞对方：「佢对物质冇乜要求，朴素简单好容易满足。」更开心自爆父母都好锺意女友，睇嚟好事近。采访：方骞平摄影：朱伟彦化妆：Elaw Wong@ The Look Studio 发型： Kin Tam@ ILCoplo

方力申从迷失中搵返自信心，强调「唔搵我系你嘅损失！」

小方肯定自己系称职演员。

方力申坦言疫情期间有迷失过。

小方有人生大事规划，但唔想有压力。

小方就成家立室问题向父母耍太极。

44歳小方仍有心有力。

《逆天2》的小方，细细个就被父亲带到荒岛做科研，内心好孤单，小方表示演绎方法，全靠代入感：「似小时候被爸爸安排喺美国练水一样，辛苦到边游边喊。」

《逆天2》中跟林夏薇有段暧昧情。

《逆天2》中的小方，内心好孤单。

一字不漏记专业对白最困难。

方力申做得好入戏。

小方成功挑战科研角色。

《逆天2》拍足4个月。

唔搵小方演出系你损失
小方拍《逆天2》有好大得著及感受：「疫情后开返工，剧中有大量专业术语，但总监制刘家豪作风系冇得改对白，而且佢对我有好大期望，我喺4、5个月拍摄期内做好功课，又要减肥配合书生人设。原来命运安排我打好个基础，拍剧挞翻著副偈后，再跟张可坚拍住做2人舞台剧《相约星期二》能得心应手，攞返个自信。」小方坦言疫情令工作及收入大减曾怀疑人生，「自己系一个乜嘢演员呢？」及「有冇入错行？」𠵱家有返自我肯定的价值：「通过努力，证明有付出系会做得到嘅，我系称职演员，对得住份职业，唔搵我系你嘅损失！」

去年小方跟张可坚拍住做2人舞台剧《相约星期二》。

方力申承认做舞台剧无助演艺发展。

趁疫情空档做义工。

共同兴趣睇画行博物馆

最近小方举家游日本贺母亲70岁大寿，虽然唔愿透露女友叶萱有否同行，但就自爆两人有过甜蜜旅程：「之前我同佢曾秘密外游，佢唔锺意行百货公司及名店，搞到我都冇买嘢，就算朋友代订推介餐厅，佢都话唔好，『边行边食就算。』」小方对叶萱赞不停：「佢对物质冇乜要求，朴素简单好容易满足，呢个系我欣赏佢嘅地方，因为自己都系好简单嘅人，我哋经常去茶餐厅饮奶茶。」因为叶萱的简单令小方另眼相看：「喺呢行咁多年，冇认识一个咁嘅人，(系咪会加分？)系好啱我，因为我哋好夹，哈…尤其系佢唔使钱，我冇钱可以使，我哋嘅共同兴趣系睇画展及参观博物馆。」

女友叶萱曾勇敢公开被韩国邪教教主性侵。

方力申一家4口游日本，由边位揸机影花絮相呢？

看来揸机的小方女友已融入家中。

因为叶萱的过去，令两人恋情不被睇好，怀疑小方能否面对负面压力？「喺呢行咁多年，已训练到唔好受外来人影响咁多，睇自己重要啲。我成日觉得嗰啲人做唔到先会咁话你，譬如一个花心嘅人，一定唔相信会有人用情专一，因为佢曾经『派帽』，所以先会有咁嘅谂法。我反而要勉励大家，听到批判声音时唔好咁介意，好似我咁样谂会舒服啲。」

叶萱系勇敢嘅现代女性。

方力申近5000万北区独立屋豪宅曝光。

独立屋有泳池。

花园有鲤鱼池。

楼梯位有好多收藏品。

小方不时睇画展。

跟女友喜好志同道合。

44岁有心有力父母催婚
另外，44岁的小方月前在《世界先进游泳锦标赛》分别夺得银牌及铜牌，追问会否衬有心有力之年成家立室？他带点尴尬笑说：「咁唔止得呢几年(有心有力)，可以去到好长时间嘅，顺其自然啦，我心中有plan，讲出嚟就冇惊喜啦，但放心，我唔会奉子成婚，(咁安全㗎咩？)咁样唔得㗎。」他承认父母赞叶萱系好女仔，都好Like佢，仲不时催婚：「我同细佬成日扯猫尾，耍太极。」他又投降说：「畀返啲神秘感我，我老嘞，抵受唔住压力，放过我，畀我透吓气。」