星8卦｜「标致」迫「阿叔」攞名份失败 转沟「西哥」玩激将法

有啲男女相遇迟咗，或者时间唔对盘，行唔到尾就真系徒生慨叹！「标致」近年人气爆灯，不过佢一直都好运，但自从有咗几段情伤后，做戏突飞猛进。「阿叔」份人口甜舌滑，一直好有异性缘，当年两个人相遇，「标致」系妹妹仔，对「阿叔」已经倾慕，后嚟有咗名气，主动追求「阿叔」，对于一直自恃情场浪子嘅佢梗系一拍即合。因为太爱，「阿叔」觉得前所未有嘅幸福。

因为对婚姻有憧憬，「标致」多年嚟都对「阿叔」讲希望可以同佢成家立室，但「阿叔」当年好辛苦至追到自己个老婆，亦应承唔会离婚，更重要呢个女人任佢乱嚟都从来唔多声气。「标致」觉得爱情大晒，唔理解「阿叔」嘅心态，于是同佢嘅老友「西哥」喺埋一齐，谂住打击吓，的确系「我爱你，但你同我朋友一齐笃眼笃鼻」，真系几痛苦㗎！

「阿叔」眼见佢两个玩真嘅，不过「西哥」一样唔会畀到将来「标致」，「阿叔」嬲起上嚟咪又去搵个同佢气质有九成相似嘅女人一齐，呢种你激我我激你嘅心态都几难理解。但最蠢一方始终系女人，希望「标致」谂通唔好再浪费喺啲无结果嘅感情游戏上面啦！

 

相关文章：

星8卦｜「排骨」做戏当副业 提升知名度为方便搵老细赚真银

星8卦｜「巴闭」欠债被告 情愿使律师费坚持唔找数

星8卦｜「好命」独力养家几亿身家 再嫁低调扮穷做大赢家

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ