郑梓浩兴奋红过旧时：好似炒翻热啲冻菜自爆《中年2》Get错伍仲衡讯息好失望丨独家

2024-04-03 07:00

出身于「四大天王」年代的郑梓浩(Brian)有「被遗忘歌手」的称号，早前由新西兰回流返港参加《中年好声音2》翻hit，表现突出可惜11强止步，获观众洗版式留言戥他不值。Brian表示心脏必须强大才能参赛，坦言被foul一刻极度迷茫，因为「生死时刻」收错伍仲衡的signal以为有机，事实却有落差。采访：方骞平摄影：罗安强场地：半岛酒店

55岁郑梓浩Keep得好，一身型佬味。

喻为「被遗忘歌手」嘅郑梓浩最近翻Hit。

他形容自己似炒热咗啲冻菜。

最开心仲有人肯品尝。

郑梓浩仲有中年梦。

55岁郑梓浩1991年成为新艺宝歌手，出过两张唱片，其后事业不顺，1996年举家移居新西兰开餐厅及经营发型屋，多年来从冇放弃过唱歌。他唔转弯抹角，直言参赛系人都想赢，被foul一刻绝不好受。

年轻时嘅Brian好鬼有型。

郑梓浩1991年成为新艺宝歌手，曾出过两张唱片。

「中2生」黄剑文、Brian、安雅希及刘威煌为TVB拍《隆重登场》MV。

跟「中一生」及「中二生」都玩得埋。

曾喺TVB节目中跟昔日战友刘彩玉合唱。

伍sir事后冇安抚

Brian忆述「生死时刻」：「当评判退庭商议返嚟，镜头后伍Sir暗地里畀咗个眼神我，仲做埋Relax口型，当下就盘算『咩意思呢？有事定冇事？』下意识梗系谂过到关啦，点知上一秒有期待；下一秒就出局…」Brian谂返起亦忍不住幽自己一默：「系我收错signal，原来系叫我从此喺比赛中Relax呀！哈…赛后伍sir冇机会同我交谈，亦冇联络过。不过，接受事实后有如释重负感觉。」

Brian get错伍sir发出的signal好失望。

Brian被foul一刻，战友们都好唔舍得。

曾跟刘可入黑房后出去唞唞气。

最后一次入黑房变得木无表情。

感激谭校长鼓励

提到网民对他被foul后的反应较他更激动，Brian反过来安抚大家：「每个人心目中都有把尺，我会尊重评判决定，但赛果有时好难控制，唯一失望有好多歌未唱，尤其系《别人的歌》，呢首唱出当年做酒廊歌手时经历，掌声只属于别人的歌。其实能够行到今日算系赚咗，相比从前做歌手，𠵱家有更多人识得我，意想唔到碟菜摊冻咗，炒翻热后都有啲人肯去品尝。」他又感激谭咏麟(谭校长)、黎瑞恩及曹永廉等沿路鼓励，校长话：「𠵱家都有大把工作，冇问题啦。」已成为TVB歌手的他期待终有一天有代表作及开到个唱，好似周吉佩咁做主持及拍埋广告，笑言用仅有的「青春」来冲刺。

Brian有好多歌未唱。

𠵱家Brian嘅fans仲多过以前。

原来广播剧《十八楼C座》「祥嫂」朱雪梅系Brian表姑妈。

郑妈妈到场打气。

仲有表姑妈「祥嫂」朱雪梅。

疫情期间Brian在上海为谭咏麟做形象设计。

黎瑞恩沿途打气。

28岁时的Brian随家人移居新西兰展开新生活。

移民后不忘为TVB《华裔小姐新西兰区决赛》做评判及为嘉宾陈法拉造型。

两父子。

3兄弟为妈妈贺寿。

郑梓浩已再签约成为TVB歌手。

自豪做「双健」代唱

相隔28年重返乐坛，Brian开心有幸能亲证香港乐坛最辉煌的8、90年代，有唔少珍贵回忆及难忘片段：「做新人时签到唱片公司已好好，作为新人工作量唔多，又唔想用太多屋企人嘅资金，故每次出席记者会，都要计算所得嘅酬劳，够食快餐定油钱？不过，当年唱片业兴旺，唱片公司好肯科水，宣传人员手持公司信用卡合理地任碌，平日歌手豪饮豪食、买名牌服装装身、book车出入等都唔使还，多年来我至少使咗近百万，仲试过落夜总会饮酒倾公事，不过，我好快就闪咗，绝对冇搵女陪。」另外，郑梓浩又为同期出道嘅红人郑伊健及张卫健做幕后代唱，他自豪说：「有次做新人巡礼彩排，新人半月型围圈，逐一上前唱两句阿Lam嘅歌，当时佢哋企喺我两旁，见我咁熟首歌就不约而同话『未练好呀，帮我顶住先！』所以我就做咗『双健』化身，加埋自己唱足3次，嗰时我又冇介意喎，咁人哋咁忙咁红未有时间练歌，佢哋又系我欣赏嘅艺人，不过佢哋应该唔会记得呢段小插曲喇，举手之劳更加唔使感激我啦。」