「泰国通」胡慧冲又喊又笑好样衰 许冠杰找数唱《何日再相逢》

作为许冠杰铁粉的「泰国通」胡慧冲(Roger)继日前驾驶仿制幪面超人1号旋风号电单车，风驰电掣到泰国旅游区拍摄经典歌《最紧要好玩》MV向阿Sam致敬后，前日亦专程返港，真金白银买飞捧场睇《许冠杰最紧要好玩演唱会2024》尾场。当晚阿Sam在台上除递咪给他合唱《沉默是金》外，更为他而唱《何日再相逢》，搞到Roger感动得又笑又喊，当天凌晨3点都瞓唔著。

开前show ，Roger获邀以VIP身份入后台探班。

许冠杰为胡慧冲而唱《何日再相逢》。

胡慧冲跟许冠杰对唱一大段《沉默是金》。

《许冠杰最紧要好玩演唱会2024》尾场好精彩。

阿Sam尽全力演出。

Roger日前驾驶仿制幪面超人1号旋风号电单车。

胡慧冲拍摄经典歌《最紧要好玩》MV向阿Sam致敬。

Roger接受《星岛头条》访问时仍开心到晕，形容好感动：「感觉系一场梦，好梦幻，人生划上一个完美嘅逗号。睇佢演唱会咁多次，恨咗好多年，冇谂过自己居然有咁机会唱到咁大段歌(《沉默是金》)，正如《浪子心声》歌词『命里有时终须有 命里无时莫强求』，唱完后激动流泪，旁边嘅观众都戥我开心。」另外，之前Roger接受《健康旦》访问时提及由细到大都喜欢《何日再相逢》这首歌，可惜阿Sam较少唱，最惊喜阿Sam竟为他唱：「有几多神级歌星可以咁对自己嘅粉丝呀？所以真系好感动，睇返片段都会喊，再三多谢旦哥（郑丹瑞）及监制Leslie精心安排，因为佢哋知道我坐边个位，摄影机就大特写影住我，全场都睇到我个样，仲喊得好样衰...」Roger对阿Sam演出赞不绝口：「现场大多歌我都识唱，全场跟住唱气氛好好，3个几钟头阿Sam系咁唱，健步如飞冇喘气，真系好劲呀！」而开前show，Roger获邀以VIP身份入后台探班，他笑说：「胡慧冲拜见令狐冲，梗系攞令狐冲收藏品畀佢签啦，因为我太锺意电影《笑傲江湖》及主题曲，所以将该张唱片封面特制成postcard及tee求签名。」

合唱兼握手。

好滚动呀。

身边观众都戥胡慧冲开心。

激动流泪。

开心到晕。

圆梦嗱。

感觉梦幻。

Sam对住他唱《何日再相逢》。

非常enjoy。

睇得投入。

Roger获邀以VIP身份入后台探班。

后台见到偶像喇。

被Sam搭住膊头带入休息室。

胡慧冲拜见令狐冲。

求在肚腩位置签名。

胡慧冲身穿嘅系电影《笑傲江湖》特制tee。

Roger又喺社交网开心Share，留言：「今次不是抢咪是阿Sam主动畀咪我唱，而且唔系唱两句系唱咗一段！今次真系喺红馆开演唱会咁滞，更想不到嘅就系阿Sam竟然找数！专登走到我座位前面为我唱出《何日再相逢》！简直一字一泪令小弟十分感动，但因为太感动亦流下泪来，全场透过大萤幕见到我个喊样真肉酸。」

前日一早就由泰国出发返港。

睇show前做好准备。

带埋泰版电影《笑傲江湖》海报送畀阿Sam。

多年前跟阿Sam喺后台合照。

回港后即接受TVB访问。

Roger认同《浪子心声》歌词「命里有时终须有 命里无时莫强求」。

去年喺许冠杰个唱中跟夏妙然争咪唱。

 

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ