胡慧冲扮幪面超人拍《最紧要好玩》MV向阿Sam致敬驾旋风号招摇过市找数丨独家

2024-03-28 06:00

作为许冠杰超粉的「泰国通」胡慧冲(Roger)，昨天驾驶仿制幪面超人1号旋风号电单车，风驰电掣到泰国旅游区，包括四面神外、唐人街、大皇宫附近、水门街、Siam Square等拍摄经典歌《最紧要好玩》MV向阿Sam致敬，更尽兴地唱埋泰文版幪面超人歌，Roger认为，就算喺摄氏40度高温下，着住焗汗嘅超人衫自High 12小时都系开心嘅。

仿制幪面超人1号旋风号电单车花费13000港币。

扮到真驾驶。

记得要戴返个头盔呀！

变身幪面超人1号驾驶旋风号电单车。

拍摄花费6500港元。

拍摄团队10多人。

呢个MV拍得好大阵仗。

喺摄氏40度下扮超人焗到癫。

原来有拖车拖住行。

「开车」到曼谷景点打卡。

Roger手持《最紧要好玩》歌词。

Roger向《星岛头条》解释今次搞「大龙凤」因由：「话说之前心血来潮花6万泰铢（相等港币13000蚊），喺泰国订咗部仿照幪面超人1号旋风号电单车，仲攞晒行车证。当时承诺过，如果呢条『败家仔开箱』短片浏览量超过10000人嘅话，就会喺街上风驰电掣找数，估唔到条片超过10万人睇，于是贯彻超级偶像许冠杰『最紧要好玩』宗旨，驾驶电单喺市中心拍MV，向阿Sam致敬。」

Roger为败家仔开箱短片承诺找数。

获阿Sam赐个唱前座

不过，因为Roger唔识驾驶电单车，唯有好似拍戏咁，要租用拖头拖住嚟行：「最后决定做得好好睇睇，自掏腰包花费3万泰铢(约6500港元)，动用10多人嘅摄影团队，3部摄录机进行拍摄，拍足12小时，热到湿咗两件底衫，但沿途好吸睛。」因为冇戴头盔拍摄，Roger喺片尾都要戴返个「头盔」，用阿Sam语调温提观众：「无论系歌神定泰神，揸车要打醒12分精神，揸电单车记得戴头盔啦喂！」Roger形容今次最重要能圆梦：「好多幪面超人迷都渴望拥有旋风号电单车，更加希望电单车可以喺街上飞驰，庆幸有好多朋友帮助下成事。」另外，之前Sam向郑丹瑞提出，搵Roger接受网上节目《健康旦》访问：「访问后阿Sam话要安排前排门票畀我，仲追问我睇边场？但我坚持要真金百银来支持偶像，哗！但真系几开心呀，儿时偶像竟然叫得到我个名，今时今日可以近距离接触系感动嘅。」