林咏伦斥Tommy乱屈人连自己都呃埋「A4」风波掀起E-kids陈年不和秘事丨独家

2024-03-22 08:00

近日曾志伟帮《亚洲超星团》9人新男团改名「Loong 9」变全城热话，亦演变成E-kids成员阮民安（Tommy）、林咏伦（Alan）及郁礼贤（Tim）的口水战。Alan及低调的Tim分别在社交网出po，公开E-kids前身「A4」改名事件真相，Alan更不吐不快，称曾被Tommy欺骗，两人未算仇人但早已各走各路再冇联络。采访：方骞平

林咏伦唔放弃唱歌。

林咏伦继续歌唱事业。

影造型照。

Alan奉劝先要做好自己。

Alan已录好4首歌。

男团E-kids曾属StarEast旗下，3位元祖级成员当年获「校长」谭咏麟、曾志伟及陈百祥提携。近日Tommy借「Loong 9」在社交网出po，指曾志伟改名出事唔系第一次，称E-kids前身曾叫「A4」，更即场反驳曾志伟「A4？纸嚟㗎？」。不过，Alan和Tim就斥Tommy所讲嘅跟事实有出入，唔止抽水攞光环，仲对恩师忘恩负义。Alan解释「A4」由当年经理人Terry所改，他向林珊珊介绍新组合时，系珊珊姐开玩笑讲「A4？纸嚟㗎？」呢句并非出自Tommy把口，Alan否认擦志伟鞋：「成件事唔系Tommy可以话事，佢根本改变唔到个团名，我唔系要驳斥啲乜，只系路见不平啫！人哋冇做过唔好屈人哋，因为外间唔会知道真相，感觉上佢连自己都呃埋咁，做人要饮水思源。」

近日曾志伟帮《亚洲超星团》9人新男团改名「Loong 9」，引起不少话题。

曾志伟否认「Loong 9」由他赐名。

Tommy「当旺」时曾叫E-kids成员唔好埋佢身。

阮民安同昔日战友Alan及Tim划清界线。

E-kids正式出道前叫A4，成员多咗个高伟健。

Terry系当年赐名A4嘅经理人。

E-kids于2002年成军，元祖级成员有Tommy、Tim及Alan。

当年系亲密战友。

当年开处男音乐会。

和梅姐合照。

2007年时E-kids曾重组开演唱会，但两成员跟Tommy不欢而散。

两年前E-kids Alan与Kasa再合体，改名E-Kai重新出发，新歌MV预埋「Jackdai」戴铠霖。

「校长」谭咏麟提携过E-kids。

当年E-Kids向谭咏麟、曾志伟、陈百祥拜年。

Alan好年轻呀。

Alan跟「校长」谭咏麟去踼波。

Tommy人格有问题
跟Tommy做咗21年战友，Alan对Tommy人格有保留：「最难过几年前Tommy成为焦点人物，受大众注视时，佢嗱嗱声同成员划清界线，叫我哋行开唔好过去阻住佢，我唯有另找出路，行单飞继续唱歌，Tim就教舞。另外；佢要求借用我哋一齐经营嘅E-kids网页，但借用后马上改密码及踼走都系管理员嘅我同Tim，佢就霸住发放个人资讯。」问到2017年组合重组做演唱会时可有金钱纠纷？Alan欲言又止：「过咗去唔好提喇，有心呃一定会呃到…」