黎展峯获轩公特别照顾：好似老窦嘅爱《飞黄腾达》「Billy」公开追女失败史丨独家

2024-03-08 08:00

在ViuTV剧《飞黄腾达》演「Billy」获赞的黎展峯（Andy）前辈缘极好，早前推出以真实追女失败经历做主题的歌曲，先获古巨基「赐名」《不眠来电》，又得到同门师兄张敬轩主动提出亲自调教他，黎后辈开心到难以形容，务必趁机好好偷师。采访：杜杜

Andy已向公司申请，有时间就跟张敬轩开工，「出道两年工作机会唔多，想向佢偷师。」

Andy之前连出3首轻快歌，今次决定推出慢歌，监制徐浩提议将自身惨情经历作题材，「大学时锺意咗同样体育系嘅女仔，我试过连续3日发梦都见到佢，成日等佢打电话畀我。」可惜追了3、4几个月，失败收场，「虽然我未正式表白，但都做得好明显，成日陪住佢，又写啲比较暧昧message畀佢，但佢都冇反应，仲话『你唔好嘥时间喺我身上嘞』，同埋『我哋冇机会发展』，咁我咪唯有放弃罗！」

Andy经常发梦见到锺意嘅女仔，如《不眠来电》所讲。

Andy在ViuTV剧集《飞黄腾达》演「Billy」获赞。

搲水吹搲咗个歌名

新歌一直未搵到适合名字，Andy就问合作过《星战》的古巨基意见，「古Sir本身问我哋最近有咩烦恼，我想搲水吹咪搵啲工作嘢问吓，问佢点先可以改到好嘅歌名，可以得到共鸣，两日后佢话依家大家都收到好多不明来电，不如叫《不眠来电》啦！大家都觉得好正！」

Andy感激古Sir花时间帮他度歌名。

拍过3次拖的Andy，前度都跟女神林明祯一样属可爱型。

前辈缘旺盛的Andy，亦获同门师兄张敬轩主动提出将他转到同一经理人旗下，「我戏剧堂老师系甄咏蓓，因为喺轩公嘅工作室上堂，2013年都上过堂嘅轩公有时嚟探班，有次上完堂佢话『你不如去我个仓』，可以分享多啲嘢畀你。」追问Andy自觉何德何能有此良机？他坦认：「每日都问自己呢个问题，可能我哋都系2月之星，加上我系好奇宝宝成日问问题，每次上完堂都会同佢讲学咗啲咩。」因机会难得，Andy会不厌其烦，当面疯狂多谢轩公提携，「好似多咗个阿哥，但佢嘅爱更似老窦，我成日多谢佢，佢每次都好客气咁同我讲，『Andy你唔好咁讲，我哋系同门师兄弟，都想分享多啲人生经历。」