周吉佩呻做到只积被「老婆」欺凌冇饱饭食扩充音乐中心做到去厕所都冇时间丨独家

2024-03-01 08:00

周吉佩(吉吉)在《中年好声音》封王近一年，吸金过百万，农历新年前吉吉扩充了音乐中心，但在公在私幕后大老板都系老婆黄彦欣，所有行政事务都交畀老婆处理。𠵱家两公婆朝夕相对一齐做嘢非常开心，不过磨擦较以前多，吉吉希望新一年两公婆少啲拗撬，可以融洽工作。采访：方骞平摄影：朱伟彦

周吉佩和老婆黄彦欣同心合力经营音乐中心。

两公婆床头打交床尾和。

行政事务吉吉交畀老婆黄彦欣处理。

黄彦欣在公在私系吉吉老板。

吉吉对艺术中心好有要求。

老婆眼中吉吉系艺术家。

周吉佩扩充的《好声音中心》音乐中心，𠵱家生意都唔错。

月前周吉佩开设的《好声音中心》音乐中心，豪花6位数扩充及乔迁，𠵱家生意都唔错，但老婆永远觉得唔够；吉吉有所「投诉」：「我话过每日最好教4至5个学生，畀小小时间我中段休息，点知佢日日如是，安排我由下午2时直踩到9时，连去厕所都冇时间呀！你知教唱歌系要做到足，冇得呃钟㗎啦，返到屋企变咗人乾咁，咁夜连晚饭都冇得食。」黄彦欣即否认唔畀饱饭老公食：「你咪食完午饭先开工罗，系你自己戒食晚饭啫。」

周吉佩豪花6位数扩充及乔迁《好声音中心》音乐中心。

吉吉工作多到不得了。

吉吉平时忙到冇啖好食。

之前两公婆食青口庆祝结婚周年。

音乐中心生意唔错，仲搞埋亲子班。

老婆不满形象被摧毁

吉吉还想当年：「多年前老婆话过想做我上司，话想差遣我，仲幻想我哋一齐工作状况…估唔到𠵱家成真。」黄彦欣偷笑说：「系我想欺凌佢。」不过，黄彦欣坦言唔多习惯同老公一齐工作：「佢由头到尾都当自己系艺术家，个人又执著又多意见，会问返我『点解咁做？想得到乜结果？』」语毕，黄彦欣爆吉吉系紧张大师，常追住问：「呢啲嗰啲执咗未？」又常点她吸尘及抹玻璃门：「我都唔明点解重覆又重覆咁做？」吉吉自爆近日两公婆经常有拗撬，闹得最多就系老婆怪佢态度唔好：「有时答佢『唔得闲呀』、『快啲讲』…佢听完会扯火，好彩嬲完好快冇事。」黄彦欣带点不满回应：「我形象畀你摧毁啦，讲到我咁恐怖。」