专栏｜德国重召却奥斯中场问题现晒形？

德国近几次大赛成绩都未如理想，由路维，到费历克，到拿格斯文，最大嘅问题系中场线搵唔到适合嘅人选，一路都系甘美治搭哥列斯卡 ，但两个人嘅防守能力极之疲弱仍然系最大问题。

今季甘美治状态可以话极之差，由以往后场Build Up控制节奏类型，变成咗维园阿伯踢波，全部波都俾佢拉慢节奏，然之后得回传，防守能力亦都系唔足够覆盖，对方推进时有很多时候都系被轻易越过。哥列斯卡作为向前嘅中场推进能力都系不俗，今季德甲有44次在对方禁区插入，但防守能力唔够，拦截能力偏弱系重中之中，加上传送一啲Through Pass嘅能力系好差。

重召却奥斯重点就系稳定整队军心，提高番整个中场嘅派牌能力，唔要净系向后和横传系其中一个重点，再加上一位拥有冠军Mentality嘅核心，相信提升一班缺乏领导能力嘅球员自信心，传承一些经验畀一众后生仔如安东史达治、史迪拿及艾特简卡拉沙等都是重中之重。

不过要解决中场防守能力不足仍然系德国其中一个问题，看来3中坚解决防守不足问题上是不成功。咁就唯有睇埋3月国际赛期，拿格斯文有咩葫芦可以卖咩药。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ