专栏｜沙比阿朗素教红军啱时机吗？

以教练嚟讲，沙比阿朗素可以话系集百家之大成，又跟过肥安、肥宾、摩连奴等名帅，令佢领略过很多不同战术，所以喺利华古逊教得顺风顺水，但季尾真系转会最佳时机？

现在沙比阿朗素大多数嘅转会传闻都系季尾接高普手，转到利物浦，但对佢嚟讲，年资绝对是重大考量。今年只不过系佢第二季教药厂，去到联赛现在21场不败当然系佢嘅功劳，但要知道如果佢转会到利物浦，系两支完全不同歴史地位嘅球队。今年阿朗素带利华古逊冲冠，但佢哋从未夺得过德甲冠军，而利物浦已经系每季目标为争标嘅球队，又攞过欧联同英超冠军，实在不容易，只系教过两年够唔够能力应付，我will仔系觉得言之尚早。

稳定性亦都系其中之一，今年表现之好，很大原因都系球员嘅爆发，邦尼菲斯同谢利美费林邦等球员表现得非常好，亦有时系靠一时嘅绝杀，再加上阿朗素来季好大机会第一次执教球队出战欧联，难度非常高，双线作战绝对唔容易，有很多领队都系𠵱个时候「濑嘢」，所以阿朗素喺利华古逊再执教多一季先系上策，再将球员磨合得更好，拥有经验去执教更残酷嘅欧联赛场，睇嚟会更加稳阵。

要阿朗素去利物浦相信系好多球迷嘅心愿，或许机会跌到落嚟系要争取，成为时代嘅改变。又或者，系我will仔想得太过悲观啫。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ