专栏｜车路士与冠军距离太远

车路士上场联赛对利物浦，不敌对手4:1，对手完全超班，每位球员基本上都唔能够发挥到应有嘅能力，被人完美箝制。

先论今场波排阵，上半场大概希望可以保守啲，先守住对手一轮狂攻，结果系完全顶唔顺，不论达云纽尼斯系咪做咗柱男，破晒纪录成为一场射中最多柱嘅男人，或者新仔干拿巴特利闪耀登场。点解会畀佢哋发挥得咁好，其中一个几致命嘅弱点，就系两闸，完全守唔住，抵抗唔到佢哋嘅侧击。

两闸芝维尔及阿素迪沙斯，一个刚刚伤完复出，状态一定未够，一个本身都唔系纯右闸，两个人不论位置感，脚步提速，永远都系跟唔上对手。路易斯迪亚斯每一球波都可以睇住你食，因为每一球基本上呃落底线嗰一下，佢都系捉唔到路。芝维尔果一边经常性畀巴特利Overlap，完全负荷唔到，因为佢真系好fit，经常可以形成2打1，再加上芝维尔好多位置上，一攞到波处理得唔好，亦都唔似以往可以带波杀出重围，同时冇一个目标可以畀到。

中场轮转依然唔系太够快，安素费南迪斯和摩西斯卡斯度两个人系中场唔多夹，两个感觉上唔可以互补不足，好难互相配合，尤其是佢哋两个都好想抢个波，而唔系互相去一个逼一个包，令到防线经常受到威胁。

防守依然未搵到最好嘅一个方法，可以抵挡到对方嘅攻势，所以大败一场唔单止系教练问题，球员质素依然都总距离冠军差好远。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ