麦明诗盛劲为终认婚讯！公开求婚短片讲相识经过 竟是女神主动求婚
2024-01-30 22:52 
现年32岁的麦明诗前年被爆与参加《冲上云霄大选》的机师盛劲为挞着，去年10月终于公开认爱，更承认二人有结婚共识。日前有摄影师曝光麦明诗婚纱相，令麦明诗婚讯曝光，连日来麦明诗都未有证实婚讯，今晚盛劲为在IG贴出两人合照，正式宣布婚讯！
相关阅读：吴业坤演唱会丨麦明诗传结婚低调现身！坤哥八卦问好友婚讯：佢叫我等吓
麦明诗求婚短片曝光！
麦明诗男友盛劲为今晚（30日）在IG贴出与麦明诗求婚合照，讲述两人的相识经过，正式宣布婚讯！盛劲为指当时疫情后突然失业，当时就是由麦明诗介绍他去《后生仔倾吓偈》，再去《冲上云霄大选》，盛劲为说：「由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人设想嘅女仔，仲要……」言语间想当sweet。
盛劲为更大爆是麦明诗求婚：「我讲笑话，如果我哋结婚，你都要同我求婚先衬得起你性格喎。我真系冇谂过你会记得我呢句说话，然后坚做……好嘢 👍🏼」盛劲为最后更表示：「我希望可以请你食饭食一世啦！」暗示要养麦明诗一世！麦明诗亦分享两人求婚的照片，简单留言：「#WeSaidYes」并tag了盛劲为。不少圈中人亦纷纷献上祝福。
麦明诗入行后情史：
盛劲为IG全文：
以前嘅我，以为自己会单身一世。一个人无拘无束几咁好😛 但一个疫情，令到以为揸住铁饭碗嘅我突然失业，原来我并非想像中咁硬净。
嗰时我哋唔系好熟，但系你听到我嘅情况，就问：「既然呢排得闲，想唔想去电视台做吓part-time啊？当见识吓、识吓女仔罗。」
听到有得识女仔，梗系正啦！就系咁，你介绍咗我上去后生仔倾吓偈，再玩冲上云霄大选，又参与咗一部剧做茄喱啡，见到好多靓女，但最后… 我都净系识咗一个女仔，仲要本身已经识佢 😕
由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人设想嘅女仔，仲要 🤭…. (下删一万字)
同你一齐，冇一刻系浪费时间，我哋每日好似best friend咁一齐玩，一齐游水打波滑雪上山下海，将「情人」同「朋友」呢两个身份完美结合。我真系好好彩先可以遇到你。
之后我讲笑话，如果我地结婚，你都要同我求婚先衬得起你性格喎。我真系冇谂过你会记得我呢句说话，然后坚做… 好嘢 👍🏼
你喺我最需要人support嘅时候出现，我呢世都会记得。我肯定将来我地会面对好多困难，但只要我哋一齐面对，一定可以捱得过
拍拖初期有一幕我到今日都好深刻，你话：「你未resume番，食饭等我请啦，嗱，你一飞返就以后都系你请我食饭㗎啦。」我希望可以请你食饭食一世啦！
其他文章：
36岁麦明诗传与盛劲为结婚！摄影师曝光婚纱照泄密 被称「新娘子」
麦明诗结婚丨2021年已挞着去野餐！与盛劲为多次出游泄蜜 高调隔空放闪
麦明诗结婚｜去年12月首贴与盛劲为合照！男友转发合照以3字放闪
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应