独家丨周国丰首揭被梅姐狂闹黎明怒插DJ内幕广播界31年收埋大量红星秘闻

2024-01-30 07:00

53岁周国丰成为《中年好声音》评判「周老师」后人气急升，吸引唔少fans翻煲他的旧历史，就连在网上节目「爆响口」：「梁荣忠好似结咗婚」都成为焦点。从事广播事业31年的周国丰大爆电台秘闻，除首度揭露被梅艳芳拍枱闹爆内幕；又大爆「金句王」黎明跟已故DJ蔡龄龄吵大镬真相，单单都好Juicy。采访：方骞平摄影：谭志光场地：鮨勘验@海港城

做了30多年港台DJ的周国丰，目前人气最厉害。

周国丰人气急升。

周国丰从事广播界31年，收埋大量红星秘闻。

讲返喺哥哥身边狂呕最尴尬。

周国丰又爆，当年袁咏仪同张智霖拍拖唔被睇好；梁咏琪就因「夺面双琪」事件，曾经喺佢节目中爆喊，喊住解释个人立场。

《中年好声音2》进入14强白热化阶段，评判之一的周国丰有份把关，他以多年来听歌经验及对音乐嘅认识，向参赛者剖析有冇错误理解歌词内容及唱错感觉。当问到心水选择时？周国丰坦言偏爱素人：「因为素人有无限发挥空间，可以睇到佢哋进步；相反做过歌手嘅会有包袱，唔容易突破自己。」他寄语参赛者应该珍惜台上伤心及感动位，就算爆喊对演绎抒情歌都会有帮助。

大会评判周国丰为《中年好声音2》把关。

出任《中年好声音2》评判嘅周国丰，对参赛者有要求。

周国丰做评判嘅《中年好声音》夺台庆「最佳综艺节目」奖。

周国丰跟评判肥妈、伍仲衡、张佳添及主持人车婉婉好老友。

食完嘢就齐齐为《中年好声音2》出力。

周国丰日前在网上节目中「爆响口」，指梁荣忠好似结咗婚都成为焦点。

《中年好声音》周吉佩后来居上封王。

梅姐两次主动道歉
周国丰由19岁开始担任港台DJ至助理广播处长位置，最难忘是被梅艳芳拍枱狂闹：「梅姐系1998年《十大中文金曲》『金针奖』得主，我负责歌星统筹，由于『老细』多次要求更改表演项目，仲要改到飞起，去Band房探班，再向梅姐提出要改啲乜...事隔26年仍然好记得当时嘅梅姐好㷫，恶到癫，嬲到震，仲拍晒枱指住我狂闹『转来转去，唔要个奖喇』，第一次见佢咁嬲及咁恶，真心好惊，好彩有伦永亮打圆场，佢向我打眼色示意我先离场，最后各让一步成事。不过，彩排期间我都尽量避开，唔敢再去惹佢，直至完场后梅姐主动跟我道歉，叫我唔好嬲佢。」其实梅姐曾先后两次跟周国丰道歉，包括做直播节目甩底，至节目完结后3小时才致电认错：「佢直认系唔知醒，欣赏佢嘅坦率性格，我好尊重佢。」

梅艳芳曾两次向周国丰道歉。

周国丰同梅艳芳、刘德华「集邮」。

哥哥面前狂呕失仪
提到「金针奖」，周国丰再想起一单𤓓事：「翌年张国荣(哥哥)攞完『金针奖』，去完港台庆功宴后再有私人庆功宴。哥哥喺庆功宴上好热情咁斟靓红酒招呼我，因为之前我喺港台庆功宴饮得太多啤酒，沟酒后不胜酒力，出晒事，「我坐喺哥哥身边饮酒，突然涌上一道气，好似开水喉咁狂呕，好彩及时拧转身冇呕向哥哥，但真系样衰到爆，朦胧中仲听到王菲大笑声，哥哥不单冇藐爆我，更叮嘱朋友帮我抹乾净，第二朝仲来电追问『你冇嘢呀？』自此留有阴影，唔敢再沟酒饮喇。」

周国丰眼中「哥哥」张国荣好有大哥风范，谭咏麟就出名好人。

曾跟王菲同台合唱。

黎明原来曾经有火
当年黎明(Leon)系周国丰节目常客，每次两人见面都「互窒」好似嗌交，「其实我哋只系斗嘴，大家关系好好，唔伤和气，从来冇嗌过交，反而有次Leon接受港台一台《开心新航线》访问，面对蔡龄龄大堆发问时，Leon竟火爆质问『有冇做准备？』，两个你一句我一句『嚟料』(吵架)。」黎明被封「金句王」，周国丰眼中的Leon，对答亦非常出色：「印象最深一次，节目中我跟客席主持陈淑兰追问Leon，有名有利仍想追求甚么？佢虚无缥缈回答『想要月球上一根草！』吓到采访嘅传媒鸦雀无声，最后兰子顶唔顺话：『虽然爱你，但唔知你讲乜。』，翌日呢个访问变成娱乐版头条新闻。」