独家丨吴业坤感激老婆助洗底告别「毒男」开骚唔预索妻做嘉宾拒放闪

2024-01-25 08:00

去年吴业坤娶咗个旺夫日籍太太浜口爱子后，事业一帆风顺，除重返成为TMC一哥，更于本月28日举行《坤哥ただいま2024音乐会》，用日文常用语「我返嚟啦！」做主题，宣告全面重返乐坛。回望4年前处男登上红馆开骚，坤哥否认系跌watt，强调每个场馆玩法唔同，今次只想近距离做Live show。采访：方骞平摄影：钱文坤

吴业坤希望凭实力做「TMC一哥」。

坤哥否认系跌watt。

吴业坤月底重返乐坛开骚。

坤哥想近距离对住Fans唱歌。

坤哥想多点跟台下观众互动交流。

吴业坤重返乐坛开骚，希望带出简洁感觉，跟台下观众多点互动交流：「我唔会谂拣喺细场玩系跌watt，其实每个场地做法唔同，红馆开骚系万人盛宴，五光十色多姿多采；但今次系live house形式，大家咁耐冇见，想近距离睇到我唱歌，唔使上到『山顶』。」

2016年坤哥喺处男红馆骚中大晒腹肌。

坤哥以日本常用语作为音乐会主题。

在乐坛全面发力。

个唱前出歌。

婚姻生活平淡是福

成为人夫嘅坤哥唔打算安排索妻上台，只预她做观众，他笑说：「今次冇嘉宾得我一个主角，个骚系表达音乐，唔好畀佢(老婆)抢风头。」不过，坤哥都畀返个credit老婆，承认娶咗浜口爱子后真系几好：「不论人生及事业上都有正面影响，大家都多咗个讨论度系开心嘅，最重要人夫身份上多咗责任感，畀人感觉成熟咗，成功洗底唔再叫我『毒男』，𠵱家唔可以好似以前咁乱咁开玩笑，唔可以令老婆为难。」坤哥形容两公婆生活简单但美满，最爱喺屋企二人世界，玩吓领养回来的松鼠狗，煮吓大餐，周围「食好西」，平平淡淡经已好幸福，暂未打算生B：「不过，我哋唔会刻意放闪，但有时会分享生活点滴，如食爱心饭盒，因为各自有唔同工作范畴，唔使成日做连体婴，令观众转移咗视线。」