74岁颜国梁惊爆再度入院昏迷数天！2年前自揭患癌声音突变 最新近照曝光更憔悴？
2024-01-24 14:40 
曾于TVB经典处境剧《香港81》饰演「陈积」的颜国梁，在2022年罕有现身TVB台庆并自揭患上第三期鳞状细胞癌导致声带失去低音，接受化疗及免疫治疗后，情况总算稳定下来！有一段日子未有现身的颜国梁，日前接受好友邓英敏的YouTube频道访问，镜头前谈笑风生的颜国梁，原来刚刚走出鬼门关！
相关文章：73岁颜国梁患癌治疗进度曝光！ 估计治疗花费近70万 望康复再拍戏搵钱养老
「陈积」颜国梁最新近况曝光！
自从颜国梁自揭患上第三期鳞状细胞癌后，一直积极对抗癌魔，他曾透露已3次踏入鬼门关，当中两次幸得太太霍洁贞（贞姐）救回一命，一直专心养病的颜国梁未有再现身人前，日前颜国梁终再现身，接受好友邓英敏的YouTube频道访问，镜头前谈笑风生的颜国梁，昔日因为化疗而导致头发全甩，现时已经长出一头白发，虽然脸色略见苍白，看来憔悴不少，幸好仍中气十足。但原来颜国梁刚刚又再走出鬼门关！邓英敏在访问上说：「你而家见到颜师傅佢龙精虎猛，好sharp醒，但其实佢喺呢个月嘅6号，已经入咗厂住咗半个月，啱啱先出院！」
颜国梁拧拧头说：「变化真系好大，呢段时间入面，喺人生嚟讲真系几坎坷，当年后生30零、40岁叫做搵到啲松动钱，可以去见识吓，去揼骨仲有人帮埋冲凉洗头兼换衫，嗰阵系唔识得欣赏呢啲。但人年纪老，呢样就好重要，原来呢个时间服务你呢，你就觉得值钱！有个大医生讲过，如果70岁仲可以喺洗手间潇洒走一回咁出嚟，真系要恭喜你！」他续说：「我喺鬼门关出入过几次，嗰阵系唔觉，次次都系事后听医生讲先知，有一次浸会留医，医生都话谂住我走唔返出去，后来又有几次出现抖气唔得，好辛苦。因为我装咗个支架去协助呼吸，呢个手术唔做系有机会死，事后姑娘都话系好危险，只要3分钟救你唔到，你就会死。」
颜国梁近况：
自此之后，颜国梁只要出现呼吸辛苦，便立即打999要求送院，想不到踏入2024年的头半个月已经出事，颜国梁说：「嗰日系喉咙有少少痕，细细力慢慢咳，忽然间就锁住咗，如果冇吸氧气就会窒息，好彩我随身有支『吱吱』，再叫十字车，但系入到去就昏迷咗。原来我系昏迷咗几日，如果我反应慢啲，冇咗喇！」邓英敏形容颜国梁今次留医了15日，经历认真翻天覆地，颜国梁说：「头几日系全昏迷，我嘅氧份太多，令我产生咗幻觉，以前做戏睇剧本知道系幻觉，但发生咗系唔知，今次我剩系畀两个大妈闹，捉我又搣我，搞到我好辛苦，又闹我好曳，成日走身郁，咁我咪郁手，好彩控制度，事后我太太话我知，可能系因为嗰啲仪器搞我唔舒服。」颜国梁又称自己从来未试过想食嘢和饮水：「嗰种情况真系好惨！」
颜国梁还说：「好彩我有太极底，所以翻生得好快，有几次都差啲走咗，可能上天仲有啲任务叫我做，经过呢半个月嘅地狱式生活，后生仔你唔知，好多时情况系每日都变好，但系我系唔知点，我而家除咗第一次嘅鳞状细胞癌冇咗，但系喺另一个地方复发，仲有啲细细粒嘅走出嚟，跟住要做电疗，点知中间又出现细菌，最少打7日抗生素，每日打3支，即系冇得瞓，出完院转个头覆完诊又入院，医生都话冇计，因为我抵抗力唔够。我仲以为自己卫生唔够，摸完银纸同摸完狗又洗手，都唔知一日洗几多次手。」
其他文章：
74岁颜国梁抗癌化疗一度甩头发 北上被捕获惊变白头翁精神奕奕
颜国梁患鳞状癌三期多次走出鬼门关 愿做大体老师令生命更有意义
颜国梁去年受访自爆长期饮酒致疴血尿幸没患癌 自揭声带生瘤后网民涌旧片留言祝福
73岁颜国梁宣布将结婚 耗尽积蓄治癌取伤残津贴感谢另一半照顾
----------------------------------
《区区有申诉》答问题送盆菜，现正进行利是公价问卷调查，编辑部会拣选最具创意的得奬者，送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应