Twins演唱会丨Twins顺利完成头3场演出 休假一天要疯狂按摩
2024-01-24 17:45 
《TWINS SPIRIT演唱会》眨眼完成第三场演出，昨日天气虽然冻到得几度，但无减观众热情，观众几乎全晚企晒起身又唱又跳，二人在台上也答谢大家：「你哋嘅热情喺咁冻天气下，畀到我哋全晚力量！好劲呀！」
唱出《相爱22年》前，二人更互诉心声，阿Sa跟阿娇说：「亲爱嘅锺欣潼女士，多谢你22年来成为我拍档！我人生最大成就，就系同你成为组合！呢个江山系我哋打番嚟！而无论开心或低潮你都对我不离不弃，陪住我，出面好多人觉得我好醒，其实唔系㗎，我内里唔系一个非常自信嘅人，好多时你同我一齐，我多咗好多力量，多谢你呀锺欣娇。」
而阿娇则回话：「认识你22年，我真系冇谂过我哋可以走咁远，开始个阵，出面好多质疑嘅声音，话我哋好快就冇，但系我哋喺逆景更齐心，更同心对抗出面，多谢你冇放弃我，我亦冇放弃自己。」阿Sa听毕，亦被感动回话：「你系我认识人里面，个样最柔弱，内心最坚强嘅人，好多谢你冇放弃自己。」两人继而拥抱，不少歌迷也听到眼湿湿。
顺利完成3晚演出，今天Twins终于可以休息一日，25号再开骚，二人异口同声说：「三场终于完成，可以放假。好想食宵夜，好饿。」休息日会做咩？两个都话：「跳足3晚，按摩，要按摩呀！哈哈。」
《区区有申诉》答问题送盆菜，现正进行利是公价问卷调查，编辑部会拣选最具创意的得奬者，送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应