独家丨泳儿告别柔弱势要操出靓腹肌　2024年目标换车换楼英国开骚

2024-01-17 07:00

泳儿推出祝福第3部曲《无能为力》，讲述将被睇低的力量传化为动力。泳儿认为人生难免有无力感，这几年做暗黑糸列遇到樽颈位的她，预告今年会有不少新搞作，包括身形也会升呢。至于新年愿望，泳儿好实际，希望能换车换楼，更想到英国开骚。采访：杜杜摄影：罗安强

泳儿虽然恨搵真银，但农历年都希望去旅行放松，回来再搏杀。

泳儿的祝福系列会将负面词变正面，今次《无能为力》都不例外，「人哋话你冇能力，你就将呢种被睇低嘅负能量转化为力量，话畀人听你系有能力。」她经常遇到无力感，由早年妈妈突然入院，到2017年突然失声，做「暗黑系列」也遇上樽颈位，「有啲comment会质疑我，『泳儿仲可以有啲乜嘢畀大家睇？系咪已经尽咗？』」

《无能为力》MV有大量电影级CG画面，泳儿力推大家要细睇。

音乐身形齐升呢

为了冲破樽颈位，泳儿预告今年在音乐上再有新尝试，「我睇骚时见到啲音乐人或者单位，会主动邀请合作，佢哋可能唔系做紧啲pop嘅嘢，所以只系初步构思，未知可以点合作。」连造型上泳儿也会有新突破，所以会勤做运动改善身形，「希望好似韩剧《Sweet Home》女主角李施昤咁，当然冇佢咁劲，但可以多少少肌肉，想有啲腹肌睇吓，我因为太瘦成日有啲假腹肌，希望音乐同身形上都要升呢，成日畀人感觉好柔弱，同我性格有啲反差。」

泳儿虽然瘦，但属有料之人，健埋身应该几有睇头。

41岁生日获大批粉丝开派对庆祝，令泳儿好感动。

踏入新一年，泳儿最大心愿是换车换楼，「我揸得太多，所以想换架电车，悭啲油钱，同埋换过间屋，因为欠缺杂物房，托赖今年收到好多礼物，搞到间房变咗杂物房。」所以她今年要努力搵钱，「暂时不能，希望嚟紧会有财力啦！哈哈！」去年尾去过洛杉矶演出的她，下个目标想到伦敦，「好锺意呢个地方，去过旅行又探过朋友，但系未喺嗰度开过骚，见到好多歌手去过，好羡慕呀！」