星8卦｜「奇萌」艺术家性格唔识搵钱 「势利」贪名牌甘心卖身养家

「奇萌」同「势利」走埋一齐，已经升华到家人关系，仲有无爱？互相欣赏，只系多咗个兄同妹，其他系各有空间。「奇萌」一直好依赖女朋友，正如佢好锺意同阿妈食饭，因为安心，佢对世事向来都好淡泊，想点就点。艺术家从来唔理人情世故，结婚前有个精明阿妈帮佢买楼，而家啲钱都系靠阿妈帮佢储起，今日都叫衣食无忧，所以佢锺意做乜都唔多计钱。

相反「势利」由细到大都好崇拜「奇萌」，好唔容易等佢同所有女友了断雾水情缘，正式成为佢嘅唯一。问题系「奇萌」无乜钱银观念，红咗之后好大使，有段时间成日俾阿妈闹，之后好坦白话交畀「势利」照顾，而用两母子联名买嘅楼就死都唔郁，总算维持到生活。

无钱唔紧要，但「奇萌」仲要不停咁使，「势利」细个穷亦好要面，惟有自己出去搵，加埋同自己嘅男人沟通唔多顺利，佢喺外面系有谂过另外泊码头，飞起「奇萌」。可惜「势利」后生都做到好烂，比较企理嘅男人都当系玩吓，千祈唔好认真，搵到钱最后都系返去畀「奇萌」继续挥霍，好在「奇萌」名气大过实力，对于唔衰得嘅「势利」，觉得有个光环，表面过得好就算，自己继续搵食养家，各自寻开心！

相关文章：

星8卦｜「牛奶仔」为前途同「大喱」扮情侣 为真女友终止假新闻蚀章

星8卦｜「绝世」心急嫁「老公」 被利用翻身后悔惟有扮低调

星8卦｜「矮人」恃靓仔专食人妻 烂赌得罪「阿太」失靠山

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ