独家丨李尚正保障癌末女友加大意外保额主持《卧底》系列搵命搏成堆恐怖经历

2023-12-23 07:00

42岁李尚正夥拍卢颂恩（妹头）拍摄的HOYTV皇牌节目《卧底》系列不时中伏，唔少任务亦搵命搏，热播中的《卧底旅行团3.0》，两人的欧洲之旅反跟踪扒手党；又在惠州扬帆出海时发生意外，妹头被帆船桅杆击中头部，吓到阿正面都青，好惊失去一个好拍档！阿正坦言为照顾患末期癌病的女友，要好好保住条命仔，更为自己份意外保险加大了4倍，等女友有更大保障。采访：方骞平

阿正希望女友及港大旧同学「抗癌战士」杨嘉骠尽快好返。

阿正有情有义。

阿正跟妹头在HOYTV皇牌节目《卧底》系列拍住上。

阿正、妹头系最佳拍档。

妹头除做幕前仲系美容院及按摩店老板。

妹头对阿正赞不绝口。

妹头为《卧底》卖命。

李尚正在港大修读建筑，除系「有线一哥」，仲因为拍住林海峰主持节目《有线娱乐乜人台》获周星驰赏识，成为星爷御用演出班底，演过《美人鱼》、《西游.降魔篇》、《长江七号》等，他和妹头主持《卧底》系列多年好受欢迎，两人庆幸喺节目中报道中伏位，出街后冇受过惊吓，反而有被邀再随团深入了解。

阿正在电影《西游.降魔篇》演鱼妖沙僧。

演过《美人鱼》。

阿正有喜感。

阿正是星爷御用演出班底。

因为拍住林海峰主持《有线娱乐乜人台》获周星驰赏识。

在港台嘅单元剧做过男一。

跟和泉素行做过关于外佣节目。

妹头被桅杆击中头

提到《卧底旅行团3.0》难忘片段，妹头首推惠州之旅嘅风帆体验，她犹有馀悸：「当帆船驶到深海时风云变色，个天突然好黑，帆船被风吹到左摇右摆，桅杆击中我个头，我惊到嗱嗱声要求回岸，但船家及导游不顾安危，聚埋一边开心『打卡』，搞到只船侧埋一边。」阿正认为系一件危险事，其实要认真对待：「接待观光客嘅内地人冇乜安全意识，落船前只系提供一件救生衣，唔会有安全指引，而且船夫好chill咁将帆船越开越远，然后着未经训练嘅团友拉帆，同船嘅老人家完全唔识死。」阿正又重提年前嘅清远行，喺冇人流管制下，跟大批游客行上玻璃桥，妹头望住桥下一步一惊心：「唉！咁搵食系咁㗎啦，冇出事唯有尽力做。」

妹头出海期间被桅杆击中头部。

妹头「中头奖」。

期间风云变色。

年前喺《卧底2.0》，两人游览玻璃桥。

置身玻璃桥，脚底凉浸浸真系好惊喎。

两人在欧洲之旅跟踪扒手党。

妹头偷影扒手真面目。

两人在台山join温泉团，温泉池底惊见成堆脚皮。

原来唔多Enjoy浸温泉。

阿正入住嘅台山温泉酒店，同几十只床蚤同眠。

超恐怖，阿正瞓咗一晚瞓到周身痕。

深入危险区域食蚝

阿正为挑战《卧底》系列，私下买嘅意外保险每年要万多元：「以前刘明轩都试过拍节目时玩滑水梯，尾龙骨受伤行唔到，因为我系合约艺员，有时真系冇得推。」妹头都佩服阿正勇气：「3·11日本大地震后年多，阿正帮我『顶』，途经福岛县取景拍《舞吧！韩日住罗罗》，以身试险狂食广岛蚝。」阿正笑说：「如果公司有『二哥』我一定叫佢去！」妹头大赞他好man，只能说能力越大责任越大。

阿正年前曾途经福岛县，狂食广岛蚝。

妹头只去安全地带。

妹头之后才会合阿正。

女友曾休克几分钟

另外，阿正和女友拍拖18年，而女友患脑癌16年，现已扩散至淋巴、胃部、肾脏，最麻烦经常受感染变关节炎，有时免疫力会自己打自己。阿正坦言会共度患难，好好照顾对方身心：「佢每次更新遗祝；甚至瞓唔到都会系压力，我唯有提佢放轻松，更加唔敢突然提出结婚，费事佢乱谂嘢，因为病人嘅心理状态好唔同，如果我辞职睇住佢，佢会更加难过。」阿正尽量用乐观态度面对逆境：「佢系末期癌症病人，医生都畀定心理准备，知道佢个病随时有变化，就好似公司时不时『大地震』咁，经历过几次就会习惯，最危险一次，试过休克咗几分钟，当时得我一个人喺屋企真系惊到癫，唯有系咁唤醒佢及检查佢心跳，好彩大步榄过，所以屋企长备强心针。」