独家丨梁思浩最想主持烹饪节目教劏鸡《通灵》夺奖拍第二辑可封古装街拍摄

2023-12-08 09:00

梁思浩继去年监制兼主持《通灵之王》夺纽约电视电影节的「综艺节目组别铜奖」后，再推出《通灵之王2》，他坦认因为夺奖令《通灵2》的制作可以更大胆。自言厨艺唔差得过鼎爷的思浩最恨主持烹饪节目，但因题材敏感而未能开拍。采访：杜杜摄影：Stanley发型:ig:hairduo_hk@Billy Cheong 化妆:ig:ça.clardiamakeup@Clardia Yeung场地:Studio Meta

思浩希望《通灵2》成功，可到海外拍第3季。

思浩最初得知《通灵》得奖仲以为俾人整蛊，「通常系《港姐》或者《奖门人》先会有，原来西方国家觉得节目好神奇，好啱佢哋口味。」得奖后令思浩对制作《通灵2》更大胆创新，「第一季好成功，收视同口碑都好，今季自然要谂更多估唔到嘅游戏，例如封咗成个古装街，摆唔同嘅嘢喺裹面，要参加者通灵搵返出嚟。」

去年《通灵之王》夺得纽约电视电影节「综艺节目组别铜奖」。

Edit media 主持《通灵2》除继续有王嘉慧，还新加入陈懿德。

厨艺同鼎爷肥妈咁上下

去年《通灵》未播出前，有多个宗教团体提出反对，更发起联署信要求停播，但无阻思浩拍摄第二辑，「如果当日因为反对TVB唔播，最大损失系香港人，节目帮香港人攞咗国际奖项，证明香港嘅节目可以迈向世界，我希望大家对任何事同人，请先睇咗再去批判，睇咗真系好唔锺意你有权批评，未睇就去批评好唔公道。」除灵异节目，厨艺师承嫲嫲的思浩一直恨主持烹饪节目，仲自信话：「我欣赏鼎爷欣赏肥妈，但我相信厨艺不差于佢哋。」不过他希望拍的内容有违《电视节目守则》，始终未能成事，「我坚持主持煮餸节目，要由劏鸡开始教，点样将只鸡放血，同只鸡好唔好食系有好大关系㗎！」