独家丨梁洛施闹女戏被14岁大仔寸爆：同闹仔一样咁恶　《爆裂点》Cut晒感情戏张家辉呻失落

张家辉和梁洛施（Isabella）在电影《爆裂点》中首合作劲有火花，甚至投诉对手戏唔够，更提议下次可合作拍摄有关精神病的电影，家辉表示，「因为我哋都黐黐哋。」戏中两人都被反叛仔女搞到头痛，同为父母的二人亦感同身受，Isabella更忍唔住自爆，囝囝寸佢戏中闹女演出同现实闹仔一样咁恶。采访：杜杜 摄影：谭志光 发型:Evan Wong(家辉)、Nick Lam@orient4(Isabella) 化妆:Midco Chu(家辉)、AnnaEden (Isabella) 服装:Christian Dior(Isabella)

两人都认为今次合作戏份太少，希望再有合作机会。

两人都认为今次合作戏份太少，希望再有合作机会。

家辉好耐冇拍港产动作片，所以都拍得好兴奋。

家辉好耐冇拍港产动作片，所以都拍得好兴奋。

全面复出的Isabella，最想拍动作片，可以由头打到尾。

全面复出的Isabella，最想拍动作片，可以由头打到尾。

Isabella第一次跟林超贤合作，事前做足准备，但仍然同预期有好大落差，「试造型时，Lam导话我太瘦，想我有啲肌肉，同埋晒黑，我用咗3个月晒黑同操肌，到最后原来啲衫系冬天衫，遮晒。」她又以为跟著「魔鬼导演」拍摄会好辛苦，最后原来唔算打太多，「我还可以。」过来人家辉即插位发言：「呢啲咪唔知埞，又话唔怕黑唔怕鬼，未真系入肉啫！」

两人一讲起林超贤，都表现得好兴奋。

Isabella在开拍前狂操肌，为做打女作好准备。

家辉唱学友歌介绍角色

张家辉形容同林导合作「不嬲都入晒肉」，再合作亦份外兴奋，「每次喺拍摄现场，睇到嗰种干劲，嗰种火会开心，感觉拍紧一部好认真嘅戏，所以佢会导致Bella呢啲初次同佢合作，好雀跃，好紧张，紧张为林超贤冲锋陷阵、视死如归，我见佢（Isabella）、Shaun（谭俊彦）、陈伟霆，个个预咗为林超贤死，嗌佢跳海就跳海，插墙就插墙。」至于初次跟饰演卧底的陈伟霆合作，兄弟情亦令家辉好感动，仲讲到要大唱张学友名曲来交代，「我个角色家庭好破裂，个人好空虚，阿Lam想塑造寂寞的男人，『繁忙的工作，加一把劲来过渡』（唱《寂寞的男人》）变成咁嘅背景，当拍住伟霆就将感情投放返喺佢度，当佢系细佬，好信任佢。」

家辉笑言对林超贤导演又爱又恨，每次合作都是新挑战。

家辉跟陈伟霆首次合作，戏中的兄弟情相当感人。

有感而发教仔女唔容易

戏中家辉和Isabella分别饰演总督察和制毒师，均被反叛仔女搞到头痛，由于两人亦是父母，承认特别容易投入角色。2006年已跟太太关咏荷育有囡囡张童的家辉，面对17岁的囡囡特别明白角色处境，「自己都有后生时，都会想人包容，但嗰个年代冇咁好彩，打就已经系包容，哈哈！𠵱家我为人父母更加要包容，呢个年代唔可以讲暴力𠻹啦！当我演时，饰演我个仔发生好多事，为人父母包容心态就演得真实啲。」Isabella点晒头认同，身为3子之母，大仔李长治亦已14岁，她亦深明跟青春期子女的相处方式，「自己又系阿妈，好帮到我入角色，试片时，我有畀囝囝睇我闹女嗰场戏，我个仔话『系呀！你就系咁闹我㗎啦』哈哈！我平日都唔会点闹，𠵱家佢哋teenage唔闹得，要倾！」

家辉跟关咏荷育有囡囡张童，今年已17岁。

Isabella跟李泽楷所生的长子李长治，今年已14岁。

Isabella演绎的闹女戏，被囝囝寸爆。

家辉鼓励Isabella做打女

对于初次合作，家辉称剧本曾令他好兴奋，「初初阿Lam话有女拍档，有感情发展，有啲微妙，点到即止咁，可能写落去太紧凑，我个角色要面对太多嘢。」Isabella秒回应：「但面对唔到我罗！哈哈！」家辉透露听到林导要cut这些戏时都好失落，「我心裹觉得『少少啫，你拍埋落去好唔好呀』，但冇办法摄落去。」至于Isabella亦承认今次合作令她有点失望，「我同Lam导讲唔够喉，好开心同家辉哥合作，谂住有好多戏，点知佢太忙（个角色）啦，希望下次可以。」

家辉亲身上阵演动作戏，跳桥一幕更搞到「拗柴」。

Isabella首次感受尖沙咀封街拍枪战戏，气氛特别好。

Isabella仲提议下次可以拍一套关于情绪病的戏，家辉即搞笑回应：「因为你都觉得我有啲精神病，所以好合适去做？啱啦呢个拍档，我睇到佢都系黐黐哋，哈哈！」问到笑到傻咗的Isabella，全面复出后最想拍的角色？她即答动作片，「今次话系动作片，但我个角色文戏比较多，好想试动作。」问够唔够胆挑战家辉戏中的动作戏，家辉即鼓励她，「梗系要超越啦！」Isabella都同意，「都真系要超越。」

两人戏中分别饰演警察及毒犯，注定要对立。

两人在戏中有冲突戏，感情戏就欠奉。

《星岛头条》新网站有更多精彩内容：http://www.stheadline.com/