「奖老」阿七吴嘉仪新婚4个月疑公审老公？自爆被改密码锁无家可归：唞啖气都有困难
2023-12-04 11:54 
「阿七」吴嘉仪在今年8月与圈外男友「猪仔」Leo结婚，婚礼当日Leo讲感言时承诺有信心会照顾得吴嘉仪好好，不过吴嘉仪昨日（3日）突然在IG限时动态爆seed，直言：「唔好讲幸福喇，连抖啖气都有困难！」
【相关阅读】：「奖老」阿七吴嘉仪贴三点式澄清冇推job 老公亲自操刀影火辣泳照力撑太太
【点击睇阿七吴嘉仪呻爆】：
「阿七」吴嘉仪昨日（3日）突然在IG限时动态连环出po，疑似爆seed闹爆老公并直斥：「唔好讲幸福喇，连抖啖气都有困难！」接着吴嘉仪留言：「你要斤斤计较系你品德问题，唔好逼人顺从你嗰套。我洗自己赚嘅钱对自己的家人、朋友好有咩问题？最好我养埋你供埋楼但写你名，个个星期叫我谂去边，入场费、parking又唔想畀，我畀ok呀，叫你揸机影张相就黑面hea揿，其实揿几个制又唔驶钱嘅，驶唔驶咁嘅态度先？最嬲系：日日都对住啦，驶咩维系感情呀?（态度轻佻）」
吴嘉仪自爆被人成衣柜衫掟出大门
越讲越嬲的吴嘉仪更以英文留言：「我不好，但我能活下去。」她还说：「#话我摆3枝送畀家人嘅护肤品喺车后座会整花佢tesla座位啲皮（已提出搵到任何𠝹花痕迹，我愿意照价赔偿），#每日被话蠢话麻烦话污糟100次#又唔系未试过被改密码锁无家可归#又唔系未经历过畀人成衣柜衫掟出大门#要求认真反省其当欺凌作玩笑的性格问题。」《星岛头条》今日（4日）曾向吴嘉仪了解，但未有回覆。
吴嘉仪再次无家可归等佢高抬贵手
到了今日（4日），吴嘉仪终于更新了IG限时动态，她说：「昨晚又发生太多事，不能够详讲。明明讲好咗，今日各自忙，佢外出工作、我喺屋企落楼攞个外卖，原本食完就整妆外出剪头发。上楼发现匙卡开唔到门、pw改咗。而家我只能著住套睡衣、揸住个外卖等佢高抬贵手，返嚟开门畀我换衫执嘢#谢谢关心#唔记录低证据相信有人会相信咁戏剧化嘅事。」
【点击重温阿七吴嘉仪当日结婚相】：
其实吴嘉仪婚后遇过不少问题，试过在社交平台留言大吐苦水：「冤枉呀！我11月冇请假，冇度蜜月，手头上工作只有个固定拍摄日子的饮食节目《抢食著数特攻队》和一个月2至3次《邻住买直播》。我冇推Jobs，我好锺意工作，我现时冇大肚，谢谢。希望有疑问嘅人，直接联络我经理人或者问我，我真系好锺意、好认真对待每个工作，谢谢。」接着「阿七」吴嘉仪又一口气贴上多张泳照自勉：「希望每个在努力嘅人，不要因为旁人嘅三言两语打击而忘记初心，继续努力，肯努力的人总不会一无所有。」吴嘉仪曾表示社交平台曾贴过的火辣泳照，全部都「老公视觉」：「呢啲相系佢揸机影嘛，咁我『猪仔』ok嘅，我哋有各自me time。」
【其他文章】：
阿七吴嘉仪结婚丨赞老公系「找数真汉子」 披超深V嫁衣如愿将花球抛给庄思明
阿七吴嘉仪结婚丨出门全身「金」巨型龙凤鈪多到挂上身 闪爆大猪牌有特别设计显心思
「奖老」阿七私下造型索爆！著Bra top单车裤拖地晒惊人上围加靓股 长髦发激似锺嘉欣
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应