「奖老」阿七吴嘉仪贴三点式澄清冇推job 老公亲自操刀影火辣泳照力撑太太
2023-11-07 13:16 
「阿七」吴嘉仪在今年8月与与圈外男友「猪仔」Leo结婚，当日一对新人跟足传统结婚仪式，Leo讲感言时承诺有信心会照顾得吴嘉仪好好，新婚生活理应十分愉快！但昨日（6日）吴嘉仪在社交平台贴上多张泳照，图文不符地说：「唔开心嘅时候睇吓个海，晒吓太阳，个心会舒服啲啲。」她还hashtag地说：「#我没有请假我只有没有通告的日子在屋企附近海滩走走」。
【相关阅读】：阿七吴嘉仪结婚丨赞老公系「找数真汉子」 披超深V嫁衣如愿将花球抛给庄思明
【点击睇阿七吴嘉仪诉苦水】：
「阿七」吴嘉仪昨晚（6日）突然在IG限时动态大吐苦水：「冤枉呀！我11月冇请假，冇度蜜月，手头上工作只有个固定拍摄日子的饮食节目《抢食著数特攻队》和一个月2至3次《邻住买直播》。我冇推Jobs，我好锺意工作，我现时冇大肚，谢谢。希望有疑问嘅人，直接联络我经理人或者问我，我真系好锺意、好认真对待每个工作，谢谢。」接着「阿七」吴嘉仪又一口气贴上多张泳照，虽然相中笑容满面，但留言却相当愁爆，她说：「唔开心嘅时候睇吓个海，晒吓太阳，个心会舒服啲啲。『希望每个在努力嘅人，不要因为旁人嘅三言两语打击而忘记初心，继续努力，肯努力的人总不会一无所有。』谢谢前辈送的话 #throwback #我没有请假我只有没有通告的日子在屋企附近海滩走走#静一静」。
「阿七」吴嘉仪被误会结婚唔使做
其后《星岛头条》向「阿七」吴嘉仪了解，原来是因为工作上出现了误会而影响接job，她以短讯回覆并说：「其实系公司嘅job有客户点名搵我，点知喺接洽期间，同事因为沟通问题误会咗我，以为我结婚后要放假、要生仔唔会工作呀，事实上我一直都唔敢请假，怕麻烦到其他同事，头先一边洗碗一边喊，经理人知道之后都开解咗我，而家心情好返啲啲。」她还说：「其实我都发现好奇怪，艺人其实都系一个职业，但好多女艺人一结婚，就有人误解我哋有人养、唔使做，其实我哋都系人，都需要生活和工作，同埋女仔喺今时今日婚后或者生咗bb都可以有自己嘅专业、社交，况且好多女艺人结咗婚之后更加有魅力，希望大家唔好误会，以为女艺人结婚后就唔使做。」
【点击重温阿七吴嘉仪当日结婚相】：
吴嘉仪的老公「猪仔」一向都很支持太太工作，原来吴嘉仪在社交平台曾贴过的火辣泳照，全部都「老公视觉」，她笑说：「我都系同老公一齐去拍拖晒太阳游水，咁去沙滩梗系着泳衣啦，唔通香港咁热着潜水衣晒太阳咩，呢啲相系佢揸机影嘛，咁我『猪仔』ok嘅，我哋有各自me time。」
【其他文章】：
阿七吴嘉仪结婚丨红当当新房曝光！跳跳扎弹上床 由妈妈做好命婆上头
阿七吴嘉仪结婚丨出门全身「金」巨型龙凤鈪多到挂上身 闪爆大猪牌有特别设计显心思
阿七吴嘉仪过大礼金光闪闪！龙凤鈪拳头大 跟足传统准备八金器𠱁90岁嫲嫲
「奖老」阿七私下造型索爆！著Bra top单车裤拖地晒惊人上围加靓股 长髦发激似锺嘉欣
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应